Mithianghlim lawr (Drama tawi) Vanlalruata

 

MI THIANGHLIM LAWR

 

A changtute:

Pu Johana

Pi Puii : Pu Johana Nupui

Tlangval Rema : Pu Johana fapa

Malsawmi : Pu Johana Fanu

Nuthlawi Zioni : Pu Johana Ngaihzawng

Driver Kima : Pu Johanate Chhungkaw Driver

Pi Khumi: Pi Puii inleng inti thlarau mi tak, mi rel hrat

 

Lan Khatna

 

Pu Johanate chhungkaw Thawtan tuk tho chhuak tlai tlang lutuk chu , tlai hnu hnawhah Chhungkaw nu ber Pi Puii chu a rawn ri hluta…..

 

Pi Puii: Ekhai ! thawh kan hai ania ekhai tho teh u tho teh u hu hu……..mama, Mami……. Mali pa… Engti dan dan a…. Mi zawng zawng an tho tawh a nia… Thawhtan tuk a ni leh nghal, Lalpa leh! Ka tawngtai leh hman ta lo! (Tih pah chuan a fapa tlangval mu lai chu ava sawi nawk nawk a) Lalpa tho teh ohh! Mama, Tlangremthang!

 

Pu Johana: Tuk khat thawh i haina pawh ni hlei lo … kha tia I rak chil chel ziah mai le…. Kan chhungkaw tuktin tih dan ve reng anih hi maw… dar eng zat nge ri tawh Nu-i.

 

Pi Puii : Dar riat leh a chanve a rik duaih tawh hi, Insiam la chaw ei lo in hna kal mai rawh. Mama kha han kai tho ve teh.

 

Pu Johana : Mama…. Mampui….. Tlangremthang! A mak chen chen tho teh tho teh…… Mut hun hrilh ngai bawk thawh hun hrilh ngai bawk rual ban ve si engkim hrilh chawp ngai mai. Vawk khu chaw  zu peh teh!

 

Tlangval Rema : A……… an ti leh tawh vawk chaw  vawk chaw….. kei ai in duat zawk! kan vawk khuan an awmpui emaw min ti tawh….(a tho tau sawk sawka, vawk chaw pe tur chuan a chhuak a)

 

Malsawmi: Nu………. Chaw ei ang u.. ka ril a tam class ka tlai dawn…..

 

Pi Puii : Eh eh e…… Lalmalsawm rawng kan la bawl lo…buai nak a lai… fairel bel saw chhip chhuan phei la class ah keng mai rawh.

 

 (Inthlahrun hmel tak hian Driver Kima a lo lut a)

Pi Puii : Pa-a, Kima a lo thleng tawh a nia, Vawiin pawh tiffin chu pai lo leh phawt mai teh.

 

Pu Johana : A va rawn tlai ve! Meeting pawimawh kalna tur ka nei tiin ka chah lawk diam sia.

 

Pi Puii: Tlai te I rawn tih thla ngawt… Nang ai a tho hma mai thei sin.

 

Malsawmi: (A room atanga rawn chhuah pah chuan)Pa class ka tlai dawn, I rualin ka lo kal ve?

 

Pu Johana : (Pindan atanga rawn chhuah pah chuan) Sawrkar Motor ah lo in rawlh ve sek angai lo City bus ah chuang mai rawh. Kima I kal teh ang(Tih pah chuan  Office kal tur chuan Driver Kima nen an chhuaka)

 

Pi Puii : Mahni fanute lo chuan ve mai mai pawh chu a pawi viau emaw ni le….Mate kha 50 hi la la Scooty taxi in kal mai rawh.

 

Malsawmi: Min thlah ve law law mai se ni tur a nia ….(Tih pah  chuan pawisa chu a la a, a chhuak ve ta nghal a.)

 

Pi Puii : I hman ban mi pe kir leh ang che!.

 

Malsawmi : (A chhuah pah chuan a nu chu a chhanga)Faith promise ah ka dah dawn…………….

 

Pi Puii: Khawnge…… keipawh chaw ei pawh ka chak nek lo ve…..Khawharin lamah ka va thu ve phawt teh ang.

 

Lan Hnihna :

Driver Kima: Pu, Karleh khi chalwh ka nei thein ngem?

 

Pu Johana: (Nel awm loh fahran hian) Enga ti maw?

 

Driver Kima : (A zam em avanga bah deuh nak hian)Englo….a nia, Kan nu in Camping a lut ve turin min duh tlat mai a…….

 

Pu Johana : Ka lo ngaihtuah dawn nia aw  Kima……

 

Pu Johana : Kima, tah hian ding teh. Kalna tuir ka nei

 

Driver kima : Pu  I office ve dawn lo em ni?

 

Pu Johana : Medical Leave ka la a, a bak chu I hriat kher a ngai tawh lo, Kha hei hi la la, taxi in lova haw mai rawh motor hi chu ka lo keng ange.

 

Driver Kima : Awle Pu.

 

Pu Johana : Tukin ang kha chuan rawn tlai tawh suh aw…

 

Driver Kima: Awle  Pu, tukin kha chu Kan nute Zing tawngtai an rei deuh va tin a nih kha, kan kal ange.

 

Driver Kima a kal bo zawh rual chiahin Pu Johana chuan phone call hmangin a ngaihzawng nuthlawi Zioni chu a call zawm nghal zat a.

 

Pu Johana : Hello, Zaithiam ni si lo ka zaibawihte…..

 

Nuthlawi Zioni : Awi over thei vel e……… Contract chu?

 

Pu Johana : Han dawhthei em em phawt maila a fel thuai mai ang. Hmani lawkah pawh ka siam sak tawh che sia I hralh leh em ni? Inkawmthlanga hi ka awm sawtah I va leng khaw thawng teh ang.

 

(Phone chu a daha dawh thei lo fahran hian Nuthlawi zioni chu a lo nghaka)

Nuthlawi Zioni : Ka chhelo em ?

 

Pu Johana : Chhia hi awmlo sela I chhelo ngawt ang… Hawh teh I kal teh ang saw lai ah sawn.

 

Nuthlawi Zioni : (Pu Johana nek deuh salh pah chuan) In nu ai awh tur meuh chuan min thlan duh tak tak chuan loh kha.

 

Nuthlawi Zioni: oh .. lehlawks.. Contract chu?

 

Pu Johana : A…. ka sawi tawh kha han dawh thei phawt la……kan ziak chhuak leh mai dawn lawm….

 

Nuthlawi Zioni : In nu then ngam tak tak bawk silo… ti hian min chhaih kual renga (a ti tau deuh hmuka)

 

Pu Johana: Dawhtheihna ka sawi khan a huam tel vek a nia……(A nui kurh kurh a)

Nuthlawi Zioni : Dawhtheihna… dawhtheihna tih reng mai Pathian hian dawhtheihna hi mi zawng zawng hnenah hian thei semin a sem lo ania aw……. Min chhaih kual reng suh. Ka ning ve tawh!

 

Pu Johana: Zaibawih… Kan inkar zawng Investment ah ngai rawh…… I thinlung ka luah man tlingkhawm hian lukhawng a la nei dawn khawp a nia…..

 

Nuthlawi Zioni: Hnial hneh te lah hi I har sia… mi han kuah ngat lang chuan ka tuiral ang….

(Motor lam pan chuan an in kuah phei dun ral ral a)

 

Lan thumna :

Pi Puii chu an chokaah ei rawngbawlin a lo buai karh karh a, chawhhmeh chan pahin amah leh amah chu a in be mawlh mawlh a.

‘”Vawiin khawhar ina, in leng tlem zia kha amak ka ti ngei mai, ka ngaihbel vang em ni? Vawiin chu khawlai te kha a reh deuh ruih mai hian ka hria, kan mitthi kha kan lo sun tlang viau emaw ni dawn ni?...ti ila kal kan tlem viau leh lawi sia...”

 

Pi Puii chuan a ngaihtuahna a lo kawm melh melh lai chuan an kawmthlangnu ri hriatna lam tha vak tawh lo, inti thlarau mi zet, thlaurau mi a in tih zat zeta mi rel hrat a lo lut hlawl mai a..

 

Khumi : ehe…. Kha Puii I chawhmeh chan lai chu a va officer Mess lo ve…

 

Pi Puii : Officer Mess pawh va hre tak tak hmel pawh I pu pawhin  ka hre bik chiah lo che……

 

Pi khumi: Ih e……  Nizan hmasa khan mumang mak deuh mai ka neia, ka mangah chuan Mi thianghlim lawr hi a lo thleng thut maiah, keini ho hi kan lo in ring hman lo nasa mai ah. Vanram kai awm deuh deuh ni a ka hriat kha Pathian hian a lo lawr thelh nual maiah, Eng nge ni awmzia ni dawn ni?

 

Pi Puii : A va mak dawn ve!

 

Pi Khumi :ESI-I DP Vawk kan dawng e! I tia law….?

 

Pi Puii : Tilo…. Tilo…. I mumang chungchang a lawm ka sawi…

 

Pi Khumi : Zaingen veng Lalhriata thu lovin khawzawlah tuman an dawng theilo emaw ka lo tia…….

 

Pi Puii : A va mak tak…… ka titi pui tur neih ve chhun lah chuh!..

 

Pi Khumi : Ih e, Chawlhni leh inkhawm zan chauhva Amah ringtu kan niha, kan nitin nuna  Pathian ringtu kan nihna hmuh tur a awm leh si loh va, Chawlhni Kristian, inkhawm zan chauh Kristian tan chuan Felna hlen chhuaktu hmun siamah khian kan leng ve dawn em ni?

 

Pi Puii: A nikhawp maia, kan thlarau mi nihna te hi kan thenawm khawvengte chhawr khawp hi a tling mawh sia… Pathian thlarau chenchilh kan intihna hmunah vek hian thalaite zingah Condom hman in zirtir a ngai thula, Kohhran Rawngbawltu tam zawk in an enkawl Mizoramah lah ei rukna hlir mai.

 

Pi Khumi : Mizo Idolah Malsawmi a la tling ve zel e I tia mi? a lo tel ve reng a ni maw…ka rilru kamtu pawh ka sawi zo hlei thei lo! thu dangah I pa kai zel a……

 

Pi Puii : A va buaithlak! Ih e, Pi khum I sawi takah chuan, Mi thianghlim lawr hi Chawlhni ah a lo thleng a nih chuan a whole sale hian kan kai theih mai a rinawm a, amaherawh chu, kan lan dan atanga han teh hi chuan kar laklawhah Mi thianghlim lawr hi a lo thleng thut a nih ngat chuan Lalpa hian a duhkhawp a ngah zo lo mai anga tih tur vel kan ni in ka hria…..

 

Pi Khumi : Ummmm… I sawi chu a ni ve thei tho a nia aw…..

 

Pi Puii : (Pi Khumi hriat phak loh tawk velin a phun supa “A.. a hre fuh ve tlat”)

 

Pi Khumi bawk a rawn tawng leh a

 

Pi Khumi: Mahse e, Puii ‘rukru angina a lo kal dawn thu’ bible ah kan hmu a, bible ah vek ‘in ring renga awm tura’ chah lawkna kan hmu leh bawk a hengte hi vawng reng I la, theihnghilh lo ila,

 

Pi Puii: Marka ziakah  ‘Mi tupawh tuiah leh thlarauvah an pian loh chuan Pathian ramah an lut lovang’ tih pawh a nih bawk kha….

 

Pi Khumi: He rukru hi lo chang chhuak ngei tura kan lo in rin mar pat angai a nia…a nih loh chuan nang leh kei……. (A sawi zawh hma chuan Tlangremthanga a rawn in chhuih thlu lut ri bur a!)

 

Rema: (A hmanmawh lutuk chu a rawn in chhuih thlu lut tual a) Nu… Nu… Nu…. Heidenrial! A na lutuk!

 

Pi Khumi : A khaih Tlangrem I na em?

 

Pi Puii : A va mak khut khut lalremthang! Heidenrial ka ni lo! Eng thil nge I hriat leh tak?

 

Rema : Nu … Nu….Zaingen venga Ka nu Mathani a bova , Arro venga ka pa machhunga a bo bawk.

 

Pi Puii : Lalremthang fimkhur rawh mi zing zingah te I sawi ange……. An tlan dun tihna ni maw….

 

Rema: Anu hi I mak… Pi Dengi pawh a bo ve tho …. Mibo an tam lutuk… apa hi a bo ve mi le…

 Vengchhung information mike a lo ri a…. Ha…lo… Zaingen Veng Information Centre atangin Mibo kan han puang ange Pi Lalthanpari kum 45 chu vawiin chhun dar 12 atangin a chin hriat tur awm lohvin a bova, tlawmngaia zawng turin Vengchhung mipuite kan han in hriattir e.

Pi Puii : Tlangrem mawl lutuk..!

 

Pa ber Nuthlawi fawr pui zo pawh chauh hmel takin Office bang haw in a rawn haw zan zana.

 

Pi Puii : E kha, Mama pa I lo haw tawh a ni maw. Han inthlak la thingpui ka lo siam dawn che nia.

 

Tlangval Rema : (Apa en he haw chuan)E, Apa chu bo ve lo nih hi….

 

Pu Johana : Vawiin chu kan Pu a rawn kal lova ….Chhura ber awmlo na na na chu kan rawn bang hma daih a sin le. A nih ka va inthlak ange.

 

(phelh phang hian Driver Kima a lo lut hlawla)

Driver Kima : Pi, Pu a awm em? (Tah aw tua hian) Ka nupui leh ka fanu an bo!

 

Driver Kima chu Pi khumi, Tlangval rema, Pi Puii te ho chuan an han bawr laih laih a

 

Pi Puii : A lo haw chiah kha, eng nge ni awm zia? vawiinah in in zui nileng emaw ka tia chutia a awmna hmunte mi zawh leh nghal chuk chuk… engtin maw I nupui fanau te chu an awm? Mama Kima hi tui han suah teh

 

Pu Johana : Kima! eng thil maw i rawn sawi? I va mangan hmel ve, eng nge ni thleng a?

 

 

Tlangval Rema chuan a tui suah chuan Kima chu an han leih ngawt a..

 

Pu Johana: Engah nge kha tia I leih ngawt?…. In tir ta che….

 

Tlangval Rema (Tim deuh dai hian) Aw… Lum a tih hmel em a lawm!

 

Driver kima : Pu ti hian a nia, vawiina min haw tir hnu …. ih sawtah Nuthlawi Zioni te kawmthlang…

 

Pi Puii’n a lo pawt chata…

 

Pi Puii ; (Vin hlarin) Engtina! Nu thlawi Zioni Bawk chu maw. Kima I Pu chuan Nuthlawi Zioni te kawmthlang in thlenin a haw tir che a maw! … engah nge nuthlawi Zioni te kawmthlangah kher kher …

 

Driver Kima : (A tih ngaihna hrelo lutuk rilru mangang chuan a pi leh pu chu a melh tawn zak zak a) Pu…. Ka pi nge nangmah ka chhan dawn.?

 

A pi leh pute chuan “Keimah” tiin an lo chhang rual thawt a….

 

Driver Kima : Ka pu in keimah ti bawk…. Ka pi in keimah ti bawk…..

 

Tlangval Rema : Nu…. Tunge Nuthlawi Zioni chu tunge?

 

Pu Johana: (Vin thakin) tumah Tumah!....... lo ngawi hmak rawh

 

 

Khawchhung information mike ah mibo an rawn puang leh a,

“Ha…lo… Zaingen Veng Information Centre atangin Mibo kan han puang a nge Pi Denghmingthangi kum 65 leh Pu Lalchhungliana Kum 47 chu vawiin chhun dar 12:30 atangin an chin hriat tur awm lohvin an bova, tlawmngaia zawng turin Vengchhung mipuite kan han in hriattir e” eng nge an puan hriat ngei tumin an beng an chhi ha a…. chutih lai tak chuan tlangval rema a lo tawng chhuaka …….

 

Tlangval rema : Nu…….

 

Pi Puii : (Rang vin thak hian) lo ngawi rawh!

 

Tlangval Rema : Nu… Lalmalsawmi a lo la haw lo a nia! (Mangang aw tak hian)

 

Chutih lai mek chuan veng chhung information mike hrang hrangah mibo an rawn puan belh zel a, an thil puan te chu an in puan thuap tup tup a.

“Ha…lo…..Ha….lo Zaingen….Hermon Information… veng centre atangin information Mibo kan Pu Thangkima kan puang ange Lalhruaisangi Kum thum Zawng turin tlawmngaia Lalthanpari theuh turin kan in hriattir e.”

 

Pi Puii: E…. ka fanu kha, Mali pa …..mami kha han phone teh, engthil nge thleng ta hi…

 

Pi Khum: A lo thleng ta! Rukru chuan ro tha tha a rawn lawr khawm ta e……

 

Pu Johana: Enga! Rukru a…..

 

Pi Khumi : I la hrethiam lo cheu em ni….. kan hun tawn mek hi Bible in a lo sawi lawk hun hnuhnunga thil lo thleng tur a tih Mi Thianghlim lawr ngei chu a nih hi…… Keini hi hnutchhiah kan ni. Kan lo muthlu a kan inrin loh hlanin Kan Pathian chuan a mi thianghlim Amah vuan tlat thin tute chu a rawn lawr ta…..

 

Tlangval Rema : Pa….. Vanram kan kai ve dawn lo maw?

 

Pu Johana: (Beidawng tih hriat tak hian) Mama, ka hre lo….

 

Pi Puii : Awi a pawi vawng vawng……. Bul han tan that theih ka va chak em…..

 

Pu Johana : Nakinah … nakinah tiin ka nun dan siamthat ka lo tum ngai lova…. Ka lo va han tisual nasa tak em

 

Driver Kima : Ka nupui min zilhna, thu takah ka lo ngai lo kha ka va han inchhir teh reng em…….

 

 

KAN FATE I CHHANHIM ANG U - Rev. R. Laltlankima

KAN FATE I CHHANHIM ANG U - Rev. R. Laltlankima

1. Faten nu leh pate tan an khawl khawm tur a ni lova, nu leh paten fate tan an khawl khawmsak zawk tur a ni. Khawvelah hian kan la tham ral dawn, nu leh pate hian kan fate tan eng nge kan rochhiah?

2. Bible hi a thu (oral)-a inzirtirah chauh hian kan duh tawk tur a ni lo. A taka chan tirah kan aw (voice) chauh ni lo hian kan nun hian kan zirtir tur a ni. Fanaute hi automatic-in kan rochan an ni lo thei tlat. Pentecost kohhrana ramhuaiin kan fate min chuh nasa lutuk te hi ka rilru a tina tlat. Thlarau mi kan nihna hi kan changkansan a. Kan fate hmanga beihin kan awm mek a. Ramhuai tih buai kan va tam ta em!

3. Kan fate hi kan nun hian i zirtir thar leh ang u. Pathian thu te hi kan by-heart tir a ngai. Ka fapa kum 6 mi Thlarau lam hlasaa Pathian faka kuang vaw thei ka nei hi ka lawm a ni. Khawvel ropuina te hi kan la kalsan hun a thleng dawn a. Thamral lo tur Isua i hnutchhiah ang u. Pentecost kohhran hian ral chu kan bei ngei mai a. Mahse, kan inchhungah ralin min bei a nih hi. Ramhuai te hi a tirah chuan hmul thi ding vekin ka hmachhawn ve tho. Mahse, Lalpa rawngbawltu ka ni a. Huai takin ka ding zel dawn.

4. Missionary tana sum tam tak kan pe chung hian, kan chhungkua hi ralin min bei a. Kan lungngai a nih hi. David-a angin Lalpa-ah i inti chak zel ang u. I nupui, pasal, fanaute avangin i lungngai a ni maithei, dak chhuak rawh. Min ti damtu Isua Krista hmel en rawh. Lalpa'n min hruai chhuahsak ang. Lalpa chakna rinchhanin kan fate tan hian tap ila, i nung thar leh ang u.

5. I boral a, i thih hunah hian eng ro nge i fate tan i khawl khawm dawn? Khawvela sum leh pai hausakna leh ropuina, building chhawng sang tam tak te hi i khawl khawmsak a, lungdam takin i kal a ni thei. Mahse, chu'ng chu i thih hnuah phurrit siamtu mai a ni thei asin. Finna leh thiamna leh ropuina hi a tha lo ka ti lo; mahse, chu aia ropui zawk chu kan fate thlarau nunna hi a ni. Kan fate hi vawiin hian i vei thar leh teh ang u khai. 

5. Pentecost kohhran te hi kan fate lakah hian ngaihngam takin awm ngawt lo ang u. Kum hlun tur zawk an thlarau nun hi chhandamin a awm tur a ni.

6. Ka pa chu kum 36 lai police-ah a tang a, a fapa hransana mual a liam meuh chuan, khawvela min hnutchhiah chu, Assam type chhe te tlu lek lek chauh a ni. Nimahsela, chu aia ropui zawk chu min hnutchhiah a, a fapa hi Pastor-ah min chher chhuak hi ka lawmna a ni.

7. Nu leh pa te u, kan fate hi thihsan dawn ta ila, sum leh pai kan khawl khawm hi kan ngaih thatna a ni ang maw? Ka ngaihthatna zawk chu Lal Isua hi nei rawh se. Lal Isua hi kan tan a tha ber. Lal Isua i hnutchhiah ang u.

(District khawmpui North Vanlaphai a Rev. R. Laltlankima sermon tlangpui highlight a ni e)

 PATHIAN FAPA

UPC Kohhran RINNA THUTE (Article of Faith) ah chuan PATHIAN FAPA thu 

hetiangin a in ziaka. “Pathian tak pakhat, Thuthlung Hluia Jehova chuan mihring nihna ang 

a rawn inbela, mihring fapa angin mithianghlim Mari lakah a lo piang a ni. Paula’n, “Tin, 

Pathian ngaihsakna thuruk chu hnial rual lovin a ropui a ni; tisaa lo langa, Thlarauva thiam 

chang a, vantirhkohte hmuh a, Jentail-te zinga tlangaupui a, khawvelah hian mite rin a, 

ropuinaa hruai chhoh taka chu,” tia a sawi ang khan. (I Tim. 3:16).

Amah a mite hnenah a lo kal a, amah a miten an lo lawm si lo” (John 1:11). Pathian 

tak pakhat chauh chu tisaah a lo changa, chu chu Fapa Isua Krita a ni. “Pathianin Kristaah

chuan khawvel hi amah nen inremin a siam a, an bawhchhiatnate chu bawhchhiatnaah 

ruatsak lovin” (II Kor. 5:19).

Amah (Isua) ah chuan Pathian famkimna chu taksa neiin a awm reng si a” (Kol. 2:9). 

“Amahah chuan engkim amah nen inremtir hi Pa lungnih zawng tak a ni si a” (Kol. 1:19) tih 

thute hi kan ring a ni. Chutichuan Isua chu mihrinna lamah chuan mihring a ni a, a 

Pathianna lamah chuan Pathian famkim a ni. A tisa chu Beramno emaw, Pathian emaw 

inthawina emaw a ni. Pathian leh mihringte inkara palai awm chhun chu a ni. “Pathian 

pakhat chauh a awm a, Pathian leh mihring inkarah palai pakhat chauh a awm bawk a, 

amah chu mihring a ni, Isua Krista chu” (I Tim. 2:5).

Isua chu a Pa lamah chuan Pathian mithianghlim a ni a, a nu lamah chuan mihring a 

ni. Chuvangin Pathian fapa leh mihring fapa emaw, Pathian mihring tih a lo ni ta a a ni.

Ani chuan a ke hnuaiah engkim a dah a, nimahsela, a hnuaiah engkim dahin a awm” 

a tih hian, a hnuaia engkim dahtu chu a tel ve lo tih a lang reng a ni. Tin, a hnuaiah engkim 

dahin a awm hnu chuan Fapa ngei pawh chu a hnuaia engkim dahtu hnuaiah chuan dahin a 

awm bawk ang. Pathian chu engkima engkim a nih theihna turin (I Kor. 15:27-28).

“Kei Alpha leh Omega ka ni, Lalpa Pathian Awmmeka leh Awmtawha leh 

Lolaawmtura, Engkimtitheia chuan a ti a ni. (Thu. 1:8).”

Rev. Lalpeklien Sungte, Superintendent, Central Disctrict, Former Principal, Calvary 

Bible College (CBC), lehkha bu ZIRTIRNA HIM-I ONENESS PENTECOSTAL RINNA 

HUMHALHNA, 2023 a tihchhuah phek 60-naah chuan Fapa chungchang hetiang hian a in 

ziaka: “Pathianin Fapa pakhat chauh a nei (hring) a (Jn.3:16), chu chu Pathian a ni. 

Chuvangin, ‘Pathian Fapa’ tia koh a ni a (Mk. 1:1; Tirh. 9:20; Heb. 6:6; Thup. 2:18), ‘Fapa 

Pathian’ tih erawh chuan Bible-ah a inziak ngai lo. Fapa chu Pathian a ni a, Pa erawh chu a 

ni lova; amaherawh chu, amahah Pa a awm. “‘Pa’ hian Pathianna chauh a kawk a, ‘Pathian 

Fapa’ erawh chuan Pathian mihringa insiam/ lo chang a kawk. Pa chu Fapa a ni tih kan ring 

lo. Amaha inthlak danglamna lai tak hi a danglamna lai chu a ni a. Fapa a thi kanti theia, 

nimahse Pa a thi kan thi thei lo. Fapaa awm a Pathianna chu Pa chu a ni. Pa chu Fapa a ni 

tih kan ring lova, Pa chu Fapaah a awm tih erawh chu kan ring a ni” (Jn. 14:10) ‘Pathian 

Fapa’ a rawn nihna tak chu mihringte chhandamna tura Pathian hmuh theih loh chu 

mihringa/ tisaa Isua Kristaa a rawn inpuan chhuahna hi a ni.”

UPC zirtirna hian Pathian leh Fapa inkara danglamna awm chu a pawm ngei a, mahse 

he danglamna hi Pathian pahnih inkara danglamna lam ni lovin, Isua hi Pathian famkim a ni 

a, chutiang chiahin mihring famkim pawh a ni. Isua hi Pathian mihringa insiam a ni a, 

Pathian ni reng chung siin mihring a ni tihna a nih chu. Tirhkoh Paula chuan Isua chungchang

ZIRTIRNA DIK LO DIK TAK CHU HEI HI ANI KC Maenga

 ZIRTIRNA DIK LO DIK TAK CHU HEI HI ANI

KC Maenga

Thuthlung fate inkara, inhuatna leh inbeihna chawhchhuah chak em em te.

Mi fel tak tak te, lam tanga siam tuma, midang thusawi a dik leh dik loh pawh thliar tir thei lo a siam te.

Midang te hnena, mi sawi loh pui sawia puh ching te.

Unau in haw miah lo, va fuih pawrha, huat tir ve talh tum te.

Midang te nek ran a thusawi thinte.

Mi thusawi a dik leh dik loh pawh thliar miah lo a, mi sawi a nih avanga dik lo tur a lo ngaih tir ve nghal tum te.

Mimal taka itsik neih avanga, an chhiatna lai midang bula sawi phet tum te.

Pathian thudik bible hmanga chhut aia, thiante sawi a nih avanga lo pawm ve rikngawt te.

Mahni sawi duh loh unaute sawi tir tuma fuih pawrh te.

Nihna duh avanga, midang tlawn reng renga hun hman te

Kan bible chang sawi fiah dan anga midang sawi fiah tir phet tuma phe buai reng te,

Khing zawng zawng khi zirtirna dik lo, dik tak si anih khi.

Hrilhlawkna Sawi nawnna leh Chiang Zawk Chu Bro RT Zuala

 

Hrilhlawkna Sawi nawnna leh Chiang Zawk Chu

Bro RT Zuala

 

                I chik leh hret ang aw  “Daniela Bung 2-na ah hian Lalram ropui tak tak te enitrnana Pathianin thir (metal) chi li a hmanga. Bung 7-na ah erawh chuan chung Lalram pa lit e tho entirnan Pathianin Ramsa (sakawlh) chi li a rawn hmang leh a nih kha. Daniela bung 2 na ah khan Lalrqam Palina milim ke khan zungtang sawm a neih kha, Bung 7naah pawh ramsa palina tihbaiawm tak khan ki 10 tho a nei leh a. Pathianin Lalram entirnana a hman theuhte khan an entir Lalram zia an pho chhuaka. Lalram entirtu sakawlhte chu zeldin ngai lovin an chiang em em a ni. Daniela 7:17 ah heng sa ropui tak tak Pali hi Lal pali lei ata lo chhuak turte chu an ni a, a ti a. Lal tih hian Lalram a entira, Bung 7na a ramsa pali lo langte khan Lalram tin a entir in, chang 23-na ah chuan Sa palina chu lei chung ram Pali zingah danglam bik lei pum pui ei buan buana, chila pawt sawm tur chu a ni ang. Inlarna ropui takah hian Pathian hmuh tirnaah chuan Tuipuiah Thlipui nasa taka tleh laia lo chhuak Sakawlhte an ni hlawma.

                Bible hrilhlawkna reng rengah chuan tui hian mipui a entire (Thupuan 17:15) Thlipui chuan indonate, buaina Jeremia 49:36,37. Daniela hian heng Lalram lo chhuak tur reng reng te hi indonas leh in nghirnghona awmna atanga chak zawk rawn ding chhuak angin a sawi a.

                Sakawlh hmasa ber chu Sakeibaknei mupui anga thla pahnih nei a ni a Daniela 7:4. Babulon entirna tha tak leh a nihna pho lang tu ber a ni. Thil hlui lai chhuak tu (Archeologist) ten an ziah danin Babulon khawhlui an laih chhuahah chuan an ram entirna(Symbol) atan Sakeibaknei mupui anga thla nei an lo hmang ngei a ni tih an hmu a, Isthar Gate ah a lo chuang kulh a, an pawisa thirah pawh Sakeibakneilem a chuang reng mai le! Medo-Persia entirnan Savawm koham tak nakruh pathum she kawh thisen kai hnuang hmanga entir a ni leh a, mak leh danglam ngaihnawm tak mai chu Medo-Persia ho khan khu lai Middle East ram awp tur khan ram pathum an hneh a ngai tlat, heng Babulon,lidia leh Aiguptate hrilhlawkna lo sawi lawk ang ngeiin Nakruk pathum sehkawha ei zo tu ngei chu Lal ropui leh chak tak Alexander Ropuiakhawvel reilote chhunga  rawn hnehtu kha. Keite lu Pali leh Thla Pali nei hmanga entir a nil eh. Chang 6-na , A hma lam ramsate anglo tak hian lu Pali lai a nei tlat mai. Eng vang nge niang? An sawi danin Alexander a  boral hnu hian a Sipai hotu lian Generalten a lalram an in sem a ni. An sawi zel danin Alexandera Lalram chu buaina hrang hrang leh Politics buaina vangin Cassender, Lysimaeus, Ptolemy leh Seleucus ten Greek Lalram chu an in sem ta a ni.

                Sakalwh palina thung aw.. a land an chu tihbaiawm tak leh chak tak thir ha nei, ei buan buana, a bang naiw pawh rap bet tu angin a sawia Daniela 2:7 ah chuan a lim chuan ke zungtang sawm a nei a, Bung 7-na ah chuan Sa tih baiawm tak hian ki sawm a nei ve leh bawk. Ke zungtan sawm leh a ki sawm te hian Rome Lalram chu thendarh a nih tur thu a lo entir lawka, chung Lalte ni ah ngei chuan Pathianin a Lalram thar chu a chhawpchhuak ta a nih kha.

                Tun thleng hian Politics a  a vawng vuantute leh a hnar kai tute hian Khawvel hi an mahni duhdan anga  awm tir tumin Pathian sawi lawk tawh kalhin hma an la chiam thin. Daniela Bung 7:8 –a ki te tak te thuneihna pawh hi te tak te a in tan in zawi zawia rawn  thang lianin Rome thuneihnate pawh chu a rawn ta neih ta zeal, a tawp a tawpah chuan Khawvel awptu a rawn nit a hial a ni.

                Hrilhlawkna sawi dan chuan he thu neihna hian Mihring mit ang mit a nei a. Bible ah hian mit te hian finna leh hriatthiamna a entire (Eph 1:8) thuneitu hi Pathian nilovin Mihring a ni a, Mihring finnna leh hriatna a in nghat tlat a ni. Pathian thua in nghat a ni lo, Pathian thu tak leia paih thla der tur a ni zawk Daniela 8:12. He thuneitu thar hian, Tin chungnung bera kalhin thu a sawi a nga, chungnungbera mi thianghlimte a ti chau anga, Hunte leh dan chu tih danglam a tum anga Daniela 7:25. He kit e tak te thuneihna hmasa thuneihna zawng zanwg aiin a danglam ang Daniela 7:23 . A hmaa Lalram lo awm tawh Politics thu neihna nen kha chuan a in ang loving tiin thurawn kan ni a ni..Hrilhlawkna chuan he thuneihna hi Politics ai chuan Sakhuna vanga neih  tur a ni niin a sawia Daniela 7:24,25. Politics Sakhuanaa la lutin kum zabi laihawl vel khan chu thuneihna hman sual chu rawn irh chhuakin Pathian thuneihna a rawn tawmpui ang zia zangin Pathian dan leh hunte tih danglam a tum ta a, Pathian chuan he kit e tak te in Pathian a chona chu a rorelna hnuhnungberah a rawn chhanglet ta a ni Daniela 7:21,22. Pathian rorelna hnuhnung ber ah chuan kan Lal Isua chu rorel tu lian ber a ni tawh anga chu rorelnaah chuan engkim mai hi siam that a ni tawh ang. Khawvel roreltute chuan Krista thuneihna leh Lalna hi hnehchhuh an lo tum tawh thina nimahse, rorelna hnuhnung berah chuan Krista ngei chuan he Khawvel roreltute nihna hi a rawn vuan tawh ang. Daniela Bua hrilhlawknate hian tawpna hmun khatah hruaia chu chu Pathian chatuan Lalram ral ve thei lo tur chu a ni. He hrilhlawkna kharna Bible chang tha leh mawi tak mai hi in chhiar tlang teh ang aw.. Mahse rorelna a lo awm anga, a thuneihnas chu tih rala tih chhiat hlen tur in an la bo vang. Tin, ram leh rorlena leh van pumpui hnuaia rante ropuina chu chungnungbera mi thianghlimte hnenah chuan pek a ni anga.

A ram chu ramhlun a ni a, a awp ram zawng zawngin a rawng an bawl anga, amah an awi ang Dniela 7:26,27. Khawvel Lalramte an tlukchhiat thin na ah ngei hian, Pathian Lalram chu chatuanin a ding ang. Daniela Bu hrilhlawknate hian thupui pakhat a neiin kawh bik chiang tak a neia chu chu Isua Krista kan Lalpa loka; huna Isua Lalram rawn din tur chu a ni. Hrilhlawkna lian pui pui Daniela bung 2,7,8 leh 11 te leh Thupuan thu tum ber chu sual leh hremhmun thuneihna zawng zawng Krista thuneihna in a khu vek a ni tih pholan hi a ni. A local leh hunah chuan thuneihna zawng zanwg leh ropuina nen a ni tawh anga, he khawvel thuneihna leh Lalram zawng zawng hi kan Lalpa lalna ram a ni tawh ang. Lal Isua local lehna hi khawvel history vawrtawp chu a ni. Hremhmun thuneihna Krista Lalrama lak let leh hun tur chu sual leh tha indona vawrtawp a ni tawh bawk ang.

Pathian thuneihna a rawn tawmpui ang zia zangin Pathian dan leh hunte tih danglam a tum ta a, Pathian chuan he kit e tak te in Pathian a chona chu a rorelna hnuhnungberah a rawn chhanglet ta a ni Daniela 7:21,22. Pathian rorelna hnuhnung ber ah chuan kan Lal Isua chu rorel tu lian ber a ni tawh anga chu rorelnaah chuan engkim mai hi siam that a ni tawh ang. Khawvel roreltute chuan Krista thuneihna leh Lalna hi hnehchhuh an lo tum tawh thina nimahse, rorelna hnuhnung berah chuan Krista ngei chuan he Khawvel roreltute nihna hi a rawn vuan tawh ang. Daniela Bua hrilhlawknate hian tawpna hmun khatah hruaia chu chu Pathian chatuan Lalram ral ve thei lo tur chu a ni. He hrilhlawkna kharna Bible chang tha leh mawi tak mai hi in chhiar tlang teh ang aw.. Mahse rorelna a lo awm anga, a thuneihnas chu tih rala tih chhiat hlen tur in an la bo vang. Tin, ram leh rorlena leh van pumpui hnuaia rante ropuina chu chungnungbera mi thianghlimte hnenah chuan pek a ni anga.

A ram chu ramhlun a ni a, a awp ram zawng zawngin a rawng an bawl anga, amah an awi ang Dniela 7:26,27. Khawvel Lalramte an tlukchhiat thin na ah ngei hian, Pathian Lalram chu chatuanin a ding ang. Daniela Bu hrilhlawknate hian thupui pakhat a neiin kawh bik chiang tak a neia chu chu Isua Krista kan Lalpa loka; huna Isua Lalram rawn din tur chu a ni. Hrilhlawkna lian pui pui Daniela bung 2,7,8 leh 11 te leh Thupuan thu tum ber chu sual leh hremhmun thuneihna zawng zawng Krista thuneihna in a khu vek a ni tih pholan hi a ni. A local leh hunah chuan thuneihna zawng zanwg leh ropuina nen a ni tawh anga, he khawvel thuneihna leh Lalram zawng zawng hi kan Lalpa lalna ram a ni tawh ang. Lal Isua local lehna hi khawvel history vawrtawp chu a ni. Hremhmun thuneihna Krista Lalrama lak let leh hun tur chu sual leh tha indona vawrtawp a ni tawh bawk ang.

n tih apiang chu thusawiah emaw, thil tihah emaw Lalpa Isua hmingin ti vek rawh u Upa Vanlalrawna

 In tih apiang chu thusawiah emaw, thil tihah emaw Lalpa Isua hmingin ti vek rawh u

Upa Vanlalrawna

 

Engvanga hming hi nei nge kan nih ? E le, 'hminga koh kan nih theih nan'. Vawiinah hian hming nei lo ta ila khawsak phung, khawtlanga kan nihhona, ram inrelbawlna thlengin a buai ang. Hming pawimawhna chu mimal hlutna, hran bikna, kan beiseina leh lawmna te a pholang a; miin hminga min koh mawlh² chuan kan hlutna leh zahawmna pholanna a nih tel avangin innelna leh inpawhna ṭha a thlen a, khawsakho a tinuam ṭhin a ni. Pathianin thil nung tinrengte a siam khan Adama hnenah a hruai hlawm a, 'Adaman an hminga a lo vuah apiang chu an hming a lo ni hlen ta a' tiin Genesis 2:19-20 ah ziak kan hmu a. Chuvangin,  hming hi a lo pawimawh hle tih a hriat theih a ni.

Pathian kan pawlna ah pawh, hming hriat loh Pathian biak ai chuan, Pathian hming hriat ngei a hming lama biak chu a awmzia a nei zawkin, Pathian pawn a lawmin, kan dilna te pawh min bengkhawn bik ang tih a rinawm a ni. Pathian meuh kan mawl biak chuan engtin nge ni ang? Miin min mawl biak chuan emaw hminga min koh duh loh chuan a lawmawm lo a ni. Tin, hming hi a putu zahawmna a nih nghal avangin, a nazawnga inkoh chu inzahlohna a nih theih zawk avangin Pathian pawhin a duh lo va, chuvangin Pathian kan biaknaah emaw mi kan fak te hian a nazawnga hming lam hi insum a ngai a ni.

Thu Chah : Mihringte chu kan hming put ang hian kan awm lo fova; Pathian erawh chu a hming hi a nihna a ni nghal a, a hming leh amah a ṭhen theih lova, a hmingah a awm ṭhin. Chuvangin, Abrahama Pathian, Isaaka Pathian, Jakoba Pathian tia a inchhal te, 'Pathian engkimtithei ka ni' a tih te, 'a hmasa ber leh hnuhnung ber' tia a insawinate hi a nihna a ni nghal a ni. Engvanga 'in tih apiang - thusawiah emaw, thil tihah emaw Lalpa Isua hmingin ti vek rawh u' tia Pathian Thuin min hrilh nge kan nih ? I lo sawibelh ila :

Isua ringtu, amah Lalpa leh Chhandamtu a nei kan nih vangin : Vawiina Isua zuitu, Kristian tia kan invuah chhan chu Isua kan rin vang a ni. Khawvel sakhaw dang aia kan chungnunna leh kan danglamna pawh Isua hming kan lam vang leh a hming ṭawmtu kan nih vang a ni. Lalpa Isua fakin awm rawh se ! Paula pianthar hma, Saula tia hriat lar khan, Damaska daiah êngin a chhun thlu a, “Lalpa, tunge i nih?” tia a zawh khan, Lalpa chuan “Isua, i tihduhdah hi ka ni e," tiin a hming a sawi a. (Tirh.9:5) Paulan "Ka rina chu ka hria" a tih anga kan rin Lalpa, a rawng kan bawl Pathian hming chu Isua a ni tih kan hriat a, a hming hi kan lam tur a ni. Vantirhkohvin Josefa hnenah, 'A hmingah ISUA i sa ang' a ti a, (Isua chu Jehova chu Chhandamna, Chhandamtu tihna a ni a) Hming danga kan dil chuan engtin nge miin Isua ringtu kan nih tih an hriat ang?

Petera leh Johana te, Isua hminga kebai an tihdam khan, Sanhedrin hmaah koh a ni a; Isua hminga thu sawi tawp lo tur leh zirtir tawp lo tur an ti tlat a, vau an tawk a ni. Nimahsela Petera leh Johana te chuan, “Pathian mithmuhin Pathian thu zawm aiin nangni thu zawm a dik zawk emaw chu ngaihtuah rawh u. Keini zawng thil kan hmuh leh kan hriatte kha sawi lovin kan awm thei lo,” tiin an chhang a nih kha. Huaisen taka an thiltih avang khan mi zawng zawngin Pathian an chawimawi tih kan hmu a ni. (Tirhkohte 4:17-21) Isua hming hi dotu leh itsiktu tan chuan a huatthlala awm a; mahse a hming lam leh Isua hminga thil tih chu Isua rinna leh Pathian thu zawmna leh Pathian chawimawina a ni. Isua hming thil kan tih a, a hming avanga kan tuar chuan vanah lawmman kan dawng ang. (Mt.5:11-12)

Isua hming hi hming zawng zawnga hming chungnung ber a ni : Hla siamtu chuan 'Isua hming a sang ber a, leiah leh vanah pawh, angel leh mihringin an bia, ramhuaite'n an hlau bawk' a ti a, a dik hle a ni. Setana hian Pathian lo chu ngam loh leh hneh loh tumah a nei lo. Chuvangin, Isua hming kan put a, a hming kan lam chuan, hnehna kan chang ṭhin ! Lalpa fakin awm rawh se ! Setanan Isua hming hi a ngam loh avangin a hming lam lova hming dang lam turin min duh a, min bum mek a ni, bumtu a nih vangin. Isua hming lamnaah ramhuai an kimki a ṭhin. Vawiinah hian Isua hming lam hua i hria em? Pathian hmingin, I fapa hmingin, Pa leh Fapa leh Thlarau Thianghlim hmingin etc. tia Isua hming lam lova kan pehhel ṭhin hi engnge a chhan ni ang? Pathian Thu chuan, "in tih apiang - thusawiah emaw, thil tihah emaw Lalpa Isua hmingin ti vek rawh u" tiin thupek min pe si a !

Philipi khuaa ringtute hnenah lehkha thawnin, Tk. Paula chuan heti hian a chah : "Chu mi avang chuan Isua hmingin mi tin – vana mite, leia mite, lei hnuaia mite nen –an ṭhingṭhit nan leh Pa Pathian tihropuina turin... Pathianin ani chu nasa takin a chawimawi ve ta thung a, hming zawng zawnga hming chungnung ber chu a pe ta a," tiin. (Philippi 2 :9-11) Chuvangin, Isua hming kan lam rik hian Pathian tihropuina a ni a, Lalpa lei leh vana thuneihna zawng zawng neitu ani tih kan puanna a ni a, tin hming zawng zawnga hming chungnung ber a nih avangin Isua hming kan lam hian thiltihtheihna kan nei ṭhin. Isua hminga ngenna te hi a chungnung a, mahni hmasial nan emaw rilru thianghlimna lova hman tur a ni lo va, Pathian ropui nan leh Pathian nena inremna atana hman tur a ni.

Isua hming hi van hnuaia hming sak zingah chhandamna hming awmchhun a ni :

Lalpa vantirhkoh inlar chuan Josefa hnenah, "...a hmingah ISUA i sa ang: ani chuan a mite an thil tihsual lakah a chhandam dawn si a," a ti a. (Mt. 1:20-21) Tin, Johanan, "..Amah lawm apiang chu, an hnenah Pathian fate nih theihna tur a pe, a hming ringtute chu," tiin a sawi a. (Jn. 1:11-12) Isuan , "Ama hmingin simna thu leh sual ngaihnathiamna thu Jerusalem khuaa ṭanin, hnam tin hnenah an hril ang,' tiin a thu hretu a zirtirte a chah bawk. (Lk.24:47) Chuvangin, Isua hming hi kan sualte ngaihdamna tur leh Pathian fa kan nihna tura hming lam/ put tur a ni. Sanhedrin hmaa chhal an nih khan, Petera chuan, "Mi dang tuma hnenah chhandamna a awm lo; van hnuaia mihring sak zingah, min chhandam tur hming dang reng a awm lo,” a ti a. (Tirh.4:12) Vawiinah hian kan chhandamna tura van hnuaia hming lam tur awmchhun chu Isua hming hi a ni.

“Tupawh Lalpa hming lam apiangte chu chhandamin an awm ang,” tiin Tk. Paula chuan  (Rom 10:13)-ah a lo sawi a.  Pentecost Ni-a Pathian ngaihsak Judaten Petera thusawi an ngaihthlak a, an khenbeh kha an Messia Isua a ni tih an hriat khan; an thinlung chu chhun ang an lo ni ta a; tichuan mangangin, “Unaute u, engtin nge kan tih tak ang?” an ti a. Petera chuan an hnenah, “Sim ula, in sual ngaihdam nan Isua Krista hmingin baptisma chang ṭheuh rawh u; tichuan Thlarau Thianghlim pek hi in hmu ang. A tiam kha nangni tan pawh, in fate tan pawh, hla taka mi zawng zawng tan pawh, Lalpa kan Pathianin a hnena a koh apiangte tan a ni e,” tiin chhang a ni. (Tirh.2: 37-39) Vawiinah hian Isua hming lam lovin sual ngaihdamna a awm lo va, sual ngaihdamna chang lovin van ram a luh theih lova tin ni.

 

an kimki a ṭhin. Vawiinah hian Isua hming lam hua i hria em? Pathian hmingin, I fapa hmingin, Pa leh Fapa leh Thlarau Thianghlim hmingin etc. tia Isua hming lam lova kan pehhel ṭhin hi engnge a chhan ni ang? Pathian Thu chuan, "in tih apiang - thusawiah emaw, thil tihah emaw Lalpa Isua hmingin ti vek rawh u" tiin thupek min pe si a !

Philipi khuaa ringtute hnenah lehkha thawnin, Tk. Paula chuan heti hian a chah : "Chu mi avang chuan Isua hmingin mi tin – vana mite, leia mite, lei hnuaia mite nen –an ṭhingṭhit nan leh Pa Pathian tihropuina turin... Pathianin ani chu nasa takin a chawimawi ve ta thung a, hming zawng zawnga hming chungnung ber chu a pe ta a," tiin. (Philippi 2 :9-11) Chuvangin, Isua hming kan lam rik hian Pathian tihropuina a ni a, Lalpa lei leh vana thuneihna zawng zawng neitu ani tih kan puanna a ni a, tin hming zawng zawnga hming chungnung ber a nih avangin Isua hming kan lam hian thiltihtheihna kan nei ṭhin. Isua hminga ngenna te hi a chungnung a, mahni hmasial nan emaw rilru thianghlimna lova hman tur a ni lo va, Pathian ropui nan leh Pathian nena inremna atana hman tur a ni.

Isua hming hi van hnuaia hming sak zingah chhandamna hming awmchhun a ni :

Lalpa vantirhkoh inlar chuan Josefa hnenah, "...a hmingah ISUA i sa ang: ani chuan a mite an thil tihsual lakah a chhandam dawn si a," a ti a. (Mt. 1:20-21) Tin, Johanan, "..Amah lawm apiang chu, an hnenah Pathian fate nih theihna tur a pe, a hming ringtute chu," tiin a sawi a. (Jn. 1:11-12) Isuan , "Ama hmingin simna thu leh sual ngaihnathiamna thu Jerusalem khuaa ṭanin, hnam tin hnenah an hril ang,' tiin a thu hretu a zirtirte a chah bawk. (Lk.24:47) Chuvangin, Isua hming hi kan sualte ngaihdamna tur leh Pathian fa kan nihna tura hming lam/ put tur a ni. Sanhedrin hmaa chhal an nih khan, Petera chuan, "Mi dang tuma hnenah chhandamna a awm lo; van hnuaia mihring sak zingah, min chhandam tur hming dang reng a awm lo,” a ti a. (Tirh.4:12) Vawiinah hian kan chhandamna tura van hnuaia hming lam tur awmchhun chu Isua hming hi a ni.

“Tupawh Lalpa hming lam apiangte chu chhandamin an awm ang,” tiin Tk. Paula chuan  (Rom 10:13)-ah a lo sawi a.  Pentecost Ni-a Pathian ngaihsak Judaten Petera thusawi an ngaihthlak a, an khenbeh kha an Messia Isua a ni tih an hriat khan; an thinlung chu chhun ang an lo ni ta a; tichuan mangangin, “Unaute u, engtin nge kan tih tak ang?” an ti a. Petera chuan an hnenah, “Sim ula, in sual ngaihdam nan Isua Krista hmingin baptisma chang ṭheuh rawh u; tichuan Thlarau Thianghlim pek hi in hmu ang. A tiam kha nangni tan pawh, in fate tan pawh, hla taka mi zawng zawng tan pawh, Lalpa kan Pathianin a hnena a koh apiangte tan a ni e,” tiin chhang a ni. (Tirh.2: 37-39) Vawiinah hian Isua hming lam lovin sual ngaihdamna a awm lo va, sual ngaihdamna chang lovin van ram a luh theih lova tin ni.