Ropuina nen Jerusalemah Upa Zoparliana

 

Ropuina nen Jerusalemah

 

       Upa Zoparliana

 

“Lal Isua Jerusalema a luhniah khan Sabengtung chungah chuangin mipui tam takin an lo hmuaka Hossana tiin an lo au rual a” Jakaria 9:9

                Lal Isua hi lal a nih avangin Lal a nihna puan chhuah a duh a. Zawlneiin, “Aw, Zion fanu nasa takin hlim la, “Aw Jerusalem fanu au chhuak rawh ngairawh i Lal i hnenah a lo kal e, mi fel a ni a, hnehtu a ni.In ngaitlawm takin sabengtung chungah a chuanga, Sabengtung no chung ngeiah” ti a, a lo sawi lawk ang khan Lal a nih angina ropui takin chawimawina sang tak nen Jerusalemah a lut a ni. Dawta sual tinrenga hek a nih lai pawha, a thiam thu sawi thei lo Lal Isua khan Lal i ni em? Tia ram awptu Pilata zawhna chu a chhang lo thei lo “Ni e Lal ka ni a sin” a ti mai a ni.(Johana 18:37) Lal Isua hian lal a nihna hi englai pawhin puan chhuah a duha Lal a nih anga chawimawi a duh a ni.

               

                Sabengtung no chunga chuanga Jerusalem a luh khan remna lal a nihzia a entir a ni. Sabengtung hi ran ngilnei leh zaidam tak a ni a, hmanlai Lalte indo tura an kal chuan Sakawr chungah an chuang thina remna siam tura an kal erawh chuan Sabengtung chungah an chuang thin a ni. Lal Isua chu remna siam turin Sabengtung chungah in ngaitlawm takin a chuang a “Davida fapa” tiin an lo chawimawia mahse, a chawimawi tute hian an chawimawina thu awmzia hi an hre lo hle a ni.

 

                La Isua hian Jerusalem khawpui chu in lam leta thlamuanga an awm theih nan Lalte lal, Lalberte Lalber a nih ang a, a hmaah kuna chibai buk turin a duh a. “Ama mite hnenah a lo kal e, ama miten an lo lawm silo” (Johana 1:11) Amah an lo hnawl avangin a thinlung a kehsawma khenbeh a nih hma lawkin chu Jerusalem khawpui sual tak mai chu a tah khum ta a. Aw Jerusalem, Jerusalem zawlnei ho thattu i hnena an rawn tirhte lunga lo deng hlumtu Arpui in a note a thla hnuaia a awp khawm angina i fate vawi engzat nge awp khawm ka tum kha? Nimahsela, in duh si lo. En the u, in in chu a ruaka hnutchhiah che u in a awm ta, ka hrilh a che u ‘Lalpa hminga lo kal chu fakin awm rawh se in tih hma loh chuan tun a chinah mi hmu leh dawn tawh lo a nih hi a ti a ni’ (Mathaia 23 : 37-39)

 

                Tun thleng pawh hian ‘Hosanna’ tia chawimawitute hian kan ka chauhvin kan chawimawia, tunge kan chawimawi tih hre lova, Lalte Lal, Lalberte Lalber leh Pathiante Pathian a nih kan pawm leh si loh chuan kan lakah Lalisua hi a rilru a na in, min tah khum ve ngei ang.

 

                Chu vangin  Hla siamtu in “Lalber lukhum la chhuak ula, Lalber khumtir rawh u” a tih angina Lal Isua hi Lalber ah nei ila, amah ah chauh chhandamna famkim a awm a ni tih hi kan thinlung chhungril ber atanga a pawnlang ber thleng in i vawng reng ang u.

 

                A thu chhiartu zawng zawngte Lalpan a tharin malsawm rawh se…