Thu awih chu himna Sr Upa Vanlallawma

 

Thu awih chu himna

                                                                        Sr Upa Vanlallawma

Joshua 6:22-25 , Marka 16:15-16

Israel hote hi khawvel hnam zawng zawng zinga hnam thlan bik Pathian hnam thlan an ni a, tu hnam mahin thik theih pawh a nil ova chute chung chung chuan harsatna, manganna, retheihna pawh an chungah a thleng tam hle a. An Pathian Jehovan a thu pekte zawma thu awih taka awm turin a hrilh in a thu an awih loh chuan a vau khan thin a ni. An chi lo zik chhuhahna an pa Abrahama chu Ur khua atangin Lalpan ram ka la entir tur che lamah chuan chhuak rawh tiin a ko chhuaka, ram a pek tur Kanan a thlen hma loh chuan a hruaia thlaler leh hmun khawhar tak tak te tam te a lo tlak change a awma, an daisual ve rap rap change pawh a awm thin a ni.

                Awle, a thlah kal zel Jacoba leh a chhungte chuAigubta ramah han nuamsa viau mahse a tawp lamah chuan hnam rethei chhhiahhlawh bawih saltang chan an lo changta an zinga Mosia chu Pharoa-a fanu mal chan a lo chang ta hiala finna leh dan leh hrai engkim lo zir chhuakin heng bawih leh saltang te ho hi ka chi leh kuang, ka laichinte an ni a ti a, a hre chiang em em mai a. An nin an hre ve si lo, a tawpah tlanchhiat ngaiin a lo awm ta a mahse, hruai chhuak turin Pathianin a ko leh si a, A mi, a chipuite hruai chhuak tur hian a  lo mahse, Lalpa kohna chu a chhanglo thei lo. Harsatna tam tak pal tlangin a hruaichhuak ta,thlalerah a hruaia, hnam zawng zawnga hnam luhlul an lo ni ene Lalpan ringtute min kohna ramah pawh hian hrasatna, hrehawmna, lungaihna manganna paltlang tur hi a lo va tam em, a thente chuan Lalpa kohna ngaithla duh lovin peih lo, hrehawm paltlang ngamlo,tuar peih lo, kohhran in thawhtur a rel chhuanlam siama thawk peih lo te hi kan tam viau lo maw? Thawhlawm chhungkua mil tawk tura kan hotuten Budget an rawn siamte tlem tlema lo pek aia Sahdah/meizial man tur ngai pawimawh zawk te hi kan tam viau lo maw? I in ngaihtuah deuh the ang u!

                Awle kan thupui lamah aw… Israel hote chuthlalerah Lalpan an in khaihhruaina turd an a pe a, chu a dan pek chu Israel hote chuan zawm aiin zawm loh an thlang zawk emaw tih mai turin an bawhche ta fo mai a, Lalpan a hrem fo zia pawh kan hmuh thin kha.

                An hmaah ral beih tur heng Hiv hote, periz-Cirgaz, Amor, jebushan an ni a, heng bakah Jericho kulh bang sang tak te an ni a, Jericho kulh an beih dawn phei hi chuan enthlatu an in tirh a lo ngai a, an zinga mi enthla turin  anin tir chhuak ta ni chu, heng enthlatutre chan hi mahni han in chan ta ila huaisen a va ngai dawn teh reng em.Nung dama an hawn leh man chhuah an ni a ngem hriat a ni der mai si lova mahse Lalpa kohna leh tirhna ni ngei a ngaiin an hnial thei si lova. Nawhchizuar rehabi inah an luta, a ni chuan ram enthlatu an ni tih a lo hria a,an hnenah chuan Van Pathian leh Lei Pathian a awm a ringa, Lalpa’n Jericho khaw mite hnenah chuan hna a lo thawk ni ngei tur a ni, Jericho khaw mite zawng zawng chu hlauvin an lo kur daih tawh thu chu Rehabi chuan a mikhualte hnenah chuan a lo hrilh a, tichuan Rehabi chuan a mikhualte chu Jericho sipaite lak ata lo humin an tlanchhuah leh dan tur nen lamin a lo buaipui sak thlapa, Israelten Jericho an rawn beih hunah pawh a ni chu an hriat hran theih nan a kawngkharah chuan puansen lo thlung turin leh a chhungkuate reng reng chu pawn chhuak lo turin an chah ta a. Indo ni a lo thlenga Rehabi chuan chah a nih ang chiah chiah chuan Puan seng chu a  kawng khar a chuan a thlung ta a, an him phah ta a nih chu.Puan sen ni lovin puan rawng dang avarte emaw a hringte a dumte lo zar ta mai se Israel te lakah khan a him loving, thu chah a nih ang chiah chiaha puansen a lo zar a vang khan a him phah ta a nih kha tichuan, an chhung khan Israelte zingah  chhiar tel an lo ni ta  a nih kha.

                Thuawih chu himna leh damna a van i chiang em Marka bung 16:15,16 ah Lalpa a lokal leh dawn a lokal leh huna a hnenah kan awma kan chawlh ve theihna turin Lalpan thu min tiam “A ringa Baptisma chang chu chhandamin an awm a nga, A ringlo erawh chu thiam loh changing an awm ang” Rehabi in thuawih taka puansen a zar ang khan thuawihna nen lal thutiam khi kan vawng nung thei a ngem?

PATHIAN PAKHAT CHAUH A AWM:- Rev. R. Sangthanga

 PATHIAN PAKHAT CHAUH A AWM:-

Rev. R. Sangthanga

 

Pathian hian vawi khat mah, "Mi nung pathum ka ni e," a tih miah loh laia, "Mi nung pathum i ni e," lo tih luih hram hi chu Setana lawm zawng tak a ni ngei ang. Pathian pakhat aia tam awma rinna hi Bible nen a in kalh tlat a, Pathian pathum (Trinity/ family) ṭhu tlar tuar tura rinna hi rin dan ât thlak tak  a ni.

 

1. PATHIAN PAKHAT A NI

 Deut.6:4- ah Pathianin, "Aw Israelte u, ngaithla teh u, Lalpa kan Pathian chauh chu Lalpa a ni," tiin Pathian chu amah chauh a nih thu a sawia,

Exo.6:4 thu hi English Bible (KJV) ah chuan, "Here, O Israel: The LORD our God is one," tiin "Lalpa kan Pathian chu pakhat chauh a ni," tiin chiang em emin a sawi a ni.Deut. 32:39 -ah Pathianin,  "Kei, keimah ngei ka nih hi hria ula, Pathian dang an awm lo ve; a ti a ngat mai a ni.

 Isaia 44:6-ah"LALPA, Israel-ho Lal, an tlantu sipaihote LALPA chuan heti hian a ti: "Kei hi hmasa bera chu ka ni a, hnuhnung bera pawh ka ni; keimah lo chu Pathian rêng rêng an awm lo," a ti bawk a.

Isaia 44:8-ah pawh, "Keimah lo hi Pathian rêng rêng an awm êm? A ni, Lungpui rêng rêng a awm lo; pakhat mah a awm ka hre lo," tiin amah lo Pathian dang an awm a hre miah lo va.

Isaia 45:5-ah"Kei hi LALPA chu ka ni, a dang rêng rêng an awm lo; keimah lo chu Pathian rêng rêng an awm lo," a ti bawk a.

Isaia 45:21- ah pawh Keimah lo chu Pathian dang rêng rêng an awm lo; Pathian fel leh chhandamtu ka ni; keimah lo chu a dang rêng rêng an awm lo," a ti a.

 

 2. THIL ZAWNG ZAWNG AWM HMAIN A AWM

Isaia 43:1-13 ah chuan, PATHIANIN "Ka awm hmain Pathian reng reng din a awm lova, ka awm hnuah poh an awm hek lo vang, keimah lo chu chhandamtu dang reng an awm lo," a ti a ni.

 

3. PATHIAN CHU ENGKIM SIAMTU A NI:-

Gen.1:1 ah "A tirin Pathianin Lei leh Van a siam a," tih kan hmu a, Lei leh Van leh a chhunga thil awm zawng zawng siamtu hi PATHIAN a ni. Isaia 44:24-ah amah ngeiin "Kei hi Lalpa thil z.z siantu, mahni chauhva van kai pharhtu ka ni," a ti a, Lei leh Van siamtu hi Pathian pakhat chauh a ni.

 

4. PATHIAN CHU TISAAH A LO CHANG

Phil.2:5-8 a kan hmuh angin, Pathian chuan min tlan a ngaih avangin, "Mihringte anga lo piangin amah leh amah a inti tlawm ta zawk a," tih kan hmu a. Pathian kha mihring angin a lokal a, amah leh amah a rawn inti tlawm mai a ni.

Pathian hi a ropuina nen inthuamin lokal ta se, Kross ah khenbeh ngam a ni lo vanga, min tlan thei lo vang, amah leh amah a rawn inti tlâwm ta mai a ni.

Krismas hlaah poh, "Leiah a lo piang Van Lal Bera chu," kan tih hi a dik em em a ni, Vana Lal ber Pathian kha mihring angin a lokal ta mai a ni e. Pathian a fapa rawn tir tak tak nise, pa aiin fapa an lal lo zawk si a, "Leiah a lo piang van lalber dawt tu," tia sak a ngai ngei ang.

I Timo.3:16 thu a, "Pathian ngaihsakna thurûk chu hnial rual lohvin a ropuia, tisaa lo langa...," tih hi Saptawng Bible-ah hetiangin ziak a ni.

i. King James Version-ah chuan "God was manifested in the flesh" (Pathian chu tisain a lo lang) tiin ziak a ni.

ii. New International Bible-ah "He appeared in a body" (A ni chu taksa neiin a lo lang) tih a ni

iii. Amplified Bible ah, He, God, was made visible in human flesh (Amah Pathian chu hmuh theihin mihring tisaah a insiam) tih a ni.

iv. New American Standard Version-ah, He who was revealed in the flesh (A ni chu tisain a rawn in lai lang) tih a ni.

v. Today's English version-ah, He appeared in human form (A ni chu mihring taksa pu-in a lo lang) tih a ni.

Hei hian Pathian chu taksa/tisa ngeia a lo chan thu an sawi chiang hle a ni.Johana 1:1-14 ah chuan "A tirin thu a  awm...thu chu PATHIAN a ni...Engkim a zain a ma siam a ni...A ni chu khawvelah a awm, khawvel ama siam a ni...Thu chu tisaah a lo changa kan zingah a lo awm ta," tiin Johanan a sawi a. Engkim siamtu Pathian ngei kha tisaah a lo chang mai a ni, engkim siamtu PATHIAN kha Isua Krista hi a ni e.

 

5. AMAH PAWHIN PATHIAN A NIH ZIA A SAWI:-

John.14:9 ah chuan "kei mi hmu chuan Pa (Pathian) a hmu a ni," a ti a. Isua hmutu chuan Pathian an hmu a ni, Pathian dang hmuh tur a awm lo.

Thupuan 1:8 leh 22:12 ah chuan Lal Isua ngeiin "Kei Alpha leh Omega, Lalpa PATHIAN, awm tawha leh awm meka leh lo la awm tura chu ka ni," a ti hmiah maia. Isua lo chu Pathian hmuh tur a awm lo.

 

6. VANTIRHKOH TE PAWHIN ISUA NGEI HI PATHIAN A NIH ZIA AN SAWI

Luka 2:13-14 ah Lal Isua a lo pian lai khan Vantirhkohten "Chungnung berah PATHIAN ropui takin awm rawh se" tiin chibai an rawn buk a.

Thupuan 4:10-11 ah Lal Isuan tlanna hna a thawh zawha Vana a lawn khan Vantirhkoh ten an lo welcome a  "Nang kan lalpa leh kan PATHIAN, ropuina te, chawimawina te, thiltih theihna te hmu tlak i ni, nangin engkim i siama i duh avanga awm leh siam a ni bawk si," an ti a ni.

 

7. RAMHUAITE PAWHIN AN HRE CHIANG KHAWP MAI.

Marka 1:24 ah Lal Isua leh ramhuai pai an intawk a, ramhuai chuan "Nang ka hria che Pathian mithianghlima i ni," (Holy one of God) tiin a au chhuak tuar tuar mai a ni.

Jacoba 2:19 ah chuan "Pathian chu pakhat a ni tih i ring maw? I ti tha e, ramhuaite pawhin an ringa an khur thin a sin," a lo ti hial a nih chu.

Kohrana Thalaite

 

Kohrana Thalaite

                                                                        Evan R Lalfakzuala

 

Joela 2:28 kan chhiar chuan “in fapate, in fanuten ka thu an hril ang…” tih kan hmu a. Lalpa rawngbawl hna thawhna kawngah hian thalaite-ah hian a tam zawk chu a innghat a ni ti ila kan sawi sual awm lo ve. Thuhril rawngbawl hna te, Thlarau lam zai kawngah te leh thil dang dangah thalaiten mawh kan phurh bakah thalaite kovah a innghat thuk em em a ni. Kan vanglai kan thatlai hun hi Lapa’n a rawngbawl hna thawk turin thalaite hi min ko a ni.

 

I naupanna tumahin ngainep suh se; thusawi kawngah te, chetze kawngah te, hmangaihna kawngah te, rinna kawngah te, thianghlimna kawngah te ringtute tihhmuhtu ni zawk ang che. (I Timothea 4:12) tiin Tirhkoh Paulan tlangval la naupang tak leh viak tha tak Timothea a fuihna hi tunlai thalaite tan pawha fuihna, kan nihna leh kan mawhphurhna tur pawh a ni. Lalpaah inti chakin inrintawkna kan neih pawh a ngai a, kan la naupanna te inngaihnep nan leh mahni inhmuh hniam nana hmang lovin; kan thatlai kan vanglai tha hi Lapa’n a rawngbawlhna kan thawh nan a duh a ni tih hi kan hriat reng a pawimawh a ni.

 

Daniela leh a thiante kha Babulon lal Nebukadnezara lalna ramah Kaldai finna zirin an awm a, an thiam an finnate chu uan nan, in lak san nan an hmang lo. Juda an nihna hre rengin ringlo mi zingah pawh Pathian ringtu an nihna rinawm takin an ti langa. Mi dangte tana entawn tlak leh zir tlak nun an nei a, huaisen takin Pathian an tihna kha an ti lang thin a. Babulon lal thlazar hnuaia awm ni mahse huaisen takin an missionary-na kha an ti lang tlat a. PYD thalaite pawh hian Daniela leh a thiante nun atangin hian zir tur tam tak kan nei awm e. Zirna kawng kan zawh ang. Thiam finna kawng pawh kan zawh ang. Heng kan thiam kan finna hmang tangkaiin huaisen takin Kohhranah Lal rawngbawl nan kan hmang tur a ni.

Kan sawi chhunte Lalpan mal min sawm sak rawh se.

SAMSONA A TANGA KAN ZIR TUR

 

SAMSONA A TANGA KAN ZIR TUR

Evan Rualthankhuma

 

ROREL TUTE 13:1...14:3..

 

Bible a kan hmuh ang in Samsona chu a Pian hma a tanga Pathian serhhran a ni a, a enkawl dan tur leh ei in loh tur thleng in a Nu hnen ah hrilh lawk vek ani, tichuan Lalpa mi (Vantirhkoh) in a sawi angin,a chakin,a chhuanawm hle mai, A chipui Israel te tan pawh in nghahna tlak leh thlamuan pui awm tak alo ni ta, Nimahsela, chutia a chaka, a ropui viau lai chuan, a thinlung duhzawng tak Serhtan loh Nula Timna khaw Nula leh DELLILI hmanga beih in a awma, a Nu leh Pa te pawh in I chipui te zing ah HMEICHHIA an awm lo vem ni, an ti hial reng  a ni.. Mahse Samson chuan Ka duh em a sin mawle ti in, Pathian serh hran a nihna lam ngai pawimawh lo vin a lo che sual ta reng mai le.. A che sual tih a hriat meuh chuan A tlai zo tawh si a, a va pawi em..

 

A bik takin PYD te u..Samsona serhhran a ni ang hian Thuthlunga serhhran te kan ni a, Samsona Ei leh in loh tur thlenga hrilh hriat ani ang hian Thuthlung fa ten kan chak zawng, Kan duhzawng, Kan it zawng kan Mit la zawng ringawt kan um, kan pan a rem lo tih i hria ang u, a Nu leh Pa ten a tih loh tur an hrilh pawh a, KA DUH EM A SIN MAW LE.. a tih luih tlat  na chuan Tawrhna leh Mangan na, Thihna hial a thlen ta ang hian awm ve lo turin i fimkhur ang u,Thuawihna hi Malsawmna a ni tih hi vawng tlat i la, Kan duhzawng tak hmanrua a hmang zel hian a ni Setana hian min hruaibo a tum ani tih hria in PYD/Thuthlung Fa te I fimkhur ang u, Samsona, a chipui te tana thlamuan puiawm tak in nghahna tlak ani ang khan, Nang pawh Pathian Kohhran ho tan thlamuan pui awm tak in nghah na tlak i lo ni tawh thin mai thei a,I la ni mek  pawh ani mai thei, tunah khan engdinhmun ah nge i din le..? I tana (Dellili) tichhe vek thei tu che chu i hriatchiana, i hmuhfiah a, I hnawl  theih nan,Pathian in Finna pe che in, tih chak leh Siamthar in LALPA ISUA Hming in lo awm zel ang che, LALPAN a thu Malsawm rawh se,

Thuthlungfa te hla thlankhawm thenkhatte

                            

 

1. RAM KAN CHUAN E

 

Ram kan chuan e Zion faten ram lo la lang tur thangvanah,

Hun leh nite kiam lova an chawlh hlenna tur ramah;

Chuta chawl duhte tana nunna kawng thu kan puang e,

Lal Kristan kan hma a hruai, ringtute kan zam lo.

 

I kal zel ang aw, Zion fate,

Ram tha lehzual chaka rum zawngte;

Kan zallenna ni lawmawm hi

Thlangtiang kawl a liam hmain,

Halleluiah! Lalpa tan I thawk zel ang.

 

Lal Krista thuthlung fate, a sipai huaisen te u,

Khawlohna sualte avanga lungngaih chum hnuaia lengte;

‘Rawn sengkhawm thuai ru’ a ti, khawvel nite a kiam mek e,

Hlim leh lawma kan la zaipui tura thangvanah.

 

Kan zam ngailo Zion fa, Thlarau Thianghlim changtute,

Setan sual khaidiat ti chat a, a hneh theih loh kan ni;

A chanchintha kan hrilah, Lapa’n a hming a chuan tir e,

Kan puang zel e, nunna leh thihna thu lo ngai r’u.

 

Lal Isua Pathianna leh,a chanchin puangtu kan ni,

A thihna leh thawhlehna, kan tana phuma a awmte;

Chumi anpui Baptis-a, a thihna kan tawm hnuin,

A thlarau Thianghlima a kaihthawhte kan ni e.

 

 

 

 

 

 

 

 

 

24. Zion Fate lawmna ni

 

Rinnain ka han thlir a van Jerusalem thar khi,

Buaina ten a chim phak loh engthawlna khawpui a ni;

Chhun leh zan a awm tawh lo, Beramno hmel engin,

Khawpui chhung a en vel e, a mawi, a mawi mang e.

 

Khawvelah hian thlemna ten nitinin min hip thin a,

A par rimtui leng velin min bawm vel thin mahsela;

Krista phatsana nawmchenna hlimpui ai chuanin,

Ka thlang zawk e rinawmna vanga hrehawm tuar pawh.

 

Damlai ni a tlak hunin Beramno engah chuan,

Lawmna chuai thei lo changin ka leng ve ngei ang a;

Aw, a va hlimawm dawn em ka nghakhlel e kei zawng,

Zion fate lawmna ni tunah hian lo eng tawh rawh.

 

Ka Lalpa hnungzui tur hian ka theihna zawng zawngte hi,

A tan chauh ka hlan tawh ang ka phatsan leh tawh lo vang;

Harsatna engpawh thleng se a hming avang chuanin,

Thih thleng rinawm takin, ka tuar, ka tuar zel ang.

 

Tunlaia tuarnate hi kan ropuina tur nen chuan,

Tehkhin tham a ni si lo, chhel takin i tuar zel ang;

Krista vanga tuartute tana lawmna ni turin,

Chungtiang an chatuan lenkawl a lo eng dawn ta e.

25. I HMANGAIH LOVEM NI?

 

1.Lalpa lokal leh ni a hnai ta,

Sual khuhna thim hnuaia lengten

Chhandamna an chan ve theih nan;

"Tunge ka tirh anga, tunge ka tan kal ang?'

Lalpan a ti.

 

Kan vanglai, kan thatlai nite hi,

Lalpan a duh a rawngbawl turin;

Thlarau sang tamtak boral mekte chu,

I hmangaih lovem ni?

 

2. Ni kin ni alo thlen hma ngei hian,

Thenkhat mei ata la chhuakin,

Chhandam thuai r'u Lal Isuan a ti;

Khawngaihna hun a ni boral faten an au a che,

An au a che.

 

3. Isua Krista hming avangin,

Phuarna leh hrehawmna tuarin;

Lungngaiin tap thin mah ila,

A lokal leh hunah chawimawina kan chang ve ang,

Halleluiah

 

 

2. CHATUAN KHAWVARNA RAM - H. Lalrinawma

 

1.He khawvel hlimlai nite hi phul pangpar angin a chuai thin,

A ropuina leh a mawina zawng zawngte

Hlimthla angin a thlawkbo leh thin

Hringnun par vullainite pawh chuaiin mual an liam thin,

Hmangaih lenrual lungduhten mual an liam a,

Lei hrehawmah hian Lalpa i ram ka ngai mang e.

 

Ka va ngai em ka va ngai thin em

Hun leh kum bite an chawlhna ram nuam chu;

Chatuan khawvarna ram hmangaih lungduhte kimna,

Hlimna ni eng mawi chuai ni a nei tawh lo'ng

Luipui luang ri rehna ramah ka chawl ang.

 

2. Ni hnuaia thil awm zawngte hi engmah lo mai an ni e,

Tupawh he tui in chu an tuihal leh ang

Chawlhna daihhlim alo awm silo

Ka nunna hian chhandamtu nangmah chauh angai thin che

Ka thla vakvai nun tuihal min hnemtu

Damna tui nung lui Lalpa, aw ka va han ngai che em.

 

3. Hringnun khawvel kumte hi reilote atan alo ni

Chhum reilote lang a ral leh ang mai

Hun leh tui luangin chawlh zai a rel ngai lo

Kum reilote ral hunin khawvel hringnun pelin

Kir leh ngai tawhlohna kawng ka zawh dawn si

Damchhung nite chhiar dan Lalpa nangin min zirtir ang che

 

4. Hmangaih lenrual hluite khan fam rihsang an kai zo ta

An damlai hringnun thawnthu angin a tawp a

Lei khawharah hian an thamral zo ta

An sulhnu ram rehah hian khawharin ka chau thin

An hringnunte kha ngaihni a bang theilo

Kir an rel lo'ng maw Lalpa, aw! ka va han ngai thin em.

 

 

 

3. FATIR VANA HMING CHUANG

 

1.Zion fate kan ni, Zion hla mawi sain,

Baal hmaa thingthi ngailomite kan ni;

Lalpa Pathian Isua, a hming thianghlim fakin,

Beram No chawimawina, hnehna hla thar sain

Thim thuneihna Lal Diabola kan khuai nuai e.

 

Fatir van a hming chuang, Lalpa kohhran kan ni,

Alpha leh Omega, a bul leh a tawp chuanin;

Kan hma a hruai zel e, zam tur reng kan ni lo,

Aman min awmpui a tiam,

Chatuan chatuan thlengin.

 

2. Lalpa'n lunglai chhira puan ang a hnawl tawh hnu,

Lal Saula lalthutthleng tun din tumtute u;

Inngaihtuah chiang ula, in tan khua a tlai hma hian,

Zahngaihna Lalthutphah vuanin lokir thuai r'u,

In tan khawngaihna kawng hawn an khar hma ngei hian.

 

3. Lalpa pakhat Isua, a hming chauh chu fakin,

Lal Saula Lalthutthleng tun din kan tum tawh lo;

Hriak thih Lalpa hmangaih ram tharah kan lut ta,

Hruaitu Lal Davida, Lalpa hriak thih ang khan,

Fakna rimawite nen chatuan Lal kan awi e.

 

26. HRINGNUN PIAH RAM

 

1.Khawvel hrehawm hi a ral hunin,

Alo kiang ang buaina chhumpui zing hi;

Phurrit phur leh hrehawma ka rumna ram hi,

Ka chhuahsan dawn ka khualzinna ram a ni.

 

Chu rammawi nuam chu ka thlen hunin,

Ka lei hringnun hi ka ngai tawh lo'ng;

Chung mi ianga thlazarin ka leng dawn si,

Buaina a awm tawh lo, ava hlimawm dawn em

Beramno engah chuan.

 

2. Nunkhawhar leh chauvin ka rum thin,

Hmangaihtu reng an awm silo;

Ka chhandamtu nang chauh hi ka hlimna i ni,

Ka ngai em che i hnenah min chawlhtir rawh.

 

3. Chawlhna ram nuam aw ka thlen hma chuan,

Thlaler hrehawm hmun khawharah hian;

Ka thla a ngam theilo aw ka rawn zawng zel che,

Ka chhandamtu min hruai la, i ram mawiah.

 

4. Khawvelah hian hlun tur reng a awm lo,

A chuai leh thin a mawina zawng nen;

Chatuan thlifim lenna ram ka chawlh hlenna tur,

Ka va ngai em lei hringnun piah ram mawi khi

27. TUINUNG LUI

Phuahtu: K. Vanlalhnema

 

Damlo natna hrehawm tuartu te'n,

I hnen an rawn pan khan;

Nunna leh damna i pe,

Chatua nunna leh damna.

 

Aw, Isu, tui nung lui i ni,

Kalvari tui nung chu;

He tui hi han hmang leh rawh,

Natna veitu zawng zawng te dam nan.

 

Hmanah khawvel i fan lai khan,

I hnen ata damna chu;

Mite'n an lo chan thin kha,

Tunah pawh chan kan duh ve.

 

Ringhlel lovin rawn pan thuai rawh,

Isua hnenah damna chu;

Kan tan nunna leh damna,

Isu, min pe ang che aw.

 

Phar leh mitdel, piangsual, kebai te'n,

Lal Isua hnenah damna;

Kan tan dahin a awm si,

I pan zel ang damna chu.

 

 

 

4. Engthawlna Ram

 

1.Damlai lungngaih chhum zing kar atang hianin,

Rinnain kal tawhte ka han thlir a;

Ral ram a ni e, lei hringnun hi zawng,

Ka la chhuahsan dawn luiral ram mawiah.

 

Ka thlir nitinin chu ram chu,

Ni tlak ngailoh pialral khawpui;

Rinna a huaisente an kimna chu,

Engthawlna ram khawpui a ni.

 

2. Ka la chawl ve ang, luipui piah rammawiah,

Lalpa Thlarau Thianghlim hruaina ang zelin;

Chutah van ropuina ka fiah tawh ang,

Ka damlai ni hi t ka pelh hunin.

 

3. Aw, lo eng tawh mai rawh pialral zalenna ni,

Rinna a saltangte zalenna ni tur;

Lei thar leh van thar lo inhawng tawh la,

Ka hringnun ral ram hi ka kham tawh e.

 

4. Thlarau Thianghlim zara van ropuina changte,

Krista vanga mualphona tuar hnu khan;

Chhel takin i thawk zel ang Lal ram tan,

Kan ropuina ni tur a hnai ta e.

 

 

5. KAWNGTHA AWMNA KAWNGHLUN

 

Khawvel hring cham chhung hi a rei dawn tawh lo ve

Hmasang atang tawh khan a boral mek a ni

Aw unau khawiah nge I thla chawlhna tur chu?

Ka sawi hi lo ngai la I hmu ve tawh ngei ang.

 

Kawngtha awmna kawnghlun

Penticost ni a mi ngei kha

Eden sual kai simna leh sual ngaihdam nan a

Isua Krista hminga tui a hnim phum ngei a

Baptisma channa leh thlarau dawn hi a ni

 

 

Sipai hote lal chuan ti hian alo sawi a

Chungni ah chuan ramah tamna ka tir ang a

Chaw tamna nilo in, tui tam ni hek lo in

Lalpa thuhriat tamna zawkchu ka thlen tawh ang

 

Chhandam na kawng awmchhun i zawh duh si loh chuan

Engtin nge ni ang le, Pathian ram i thlen ang

I thlarau boral tur hmangaihna a vangin.

A tawp ber nan unau ka han sawi leh ang e.

 

28. BEER LAHAI ROI

 

Hmanah khan e suihlung mawl,

Thai lunglian Hagari kha,

Abrama run in chhungah thinlai na in a tlan bova;

Mahse Lalpa’n a tawk ta e,

Beer Lahai Roi hmun khawharah,

Thinlai nuar hnu hagari kha,

Suihlung damten a kir leh ta.

 

Beer Lahai Roi nunna tuikhur Beer Lahai Roi,

Hmana miten lalpa an hmuhna hmun chu;

Tun thleng pawhin a pangai reng,

Beer Lahai Roi ah lo kal rawh,

Tunah lalpan a nghak reng che,

Beer Lahai Roi a intawk turin,

Beer Lahai Roi ah.

 

Hmanah Isaka pawh khan a mo tur Rebeki kha,

Nghakhlel takin a hmuak a,

Beer Lahai Roi hmunah khanin,

An intawng ta e hmangaihte;

Beer Lahai Roi hmung ngeiah chuan

Nang pawh Lalpan a nghak reng che,

Nunna tuikhurah lo kal rawh.

 

Hman ata tun thleng pawhin mo neitu Lalpa Isua’n,

A hmangiahte tawk turin

Beer Lahai Roi ah a nghak reng,

Unau, tunah va kal thuai rawh,

Lalpa chenna tuikhurah chuan

Tah chuan I sualte tleng fai la,

Lalpa hnenah lo kir leh rawh.

29. OVER MORO AN SAI (MORO MORO)

 

Ka vahvaihna ram khawvel hi,

Lal zun ngaih leh fam zun ngaih a bang thei lo;

Chhingkhual ka zinnza ramah,

Lalpa ngaia rum vawng vawngin,

A ni, ka tap thin Zion ka ngaihtuahin.

 

 

Aw Deni aw,moro moro over moro,

An sai,an sai e;

Lal zun ngai leh fam zun ngai ten,

Setan ral kan sai kan sai e.

 

 

Ka zinna ram atanga hianin,

Ka thlir vel aw Kanan ram ka thleng zolo;

Ka chau em e Lal Isu,ka ding leh veiah min kai la,

I ram kan ngaih lai Zion chu min thlen rawh.

 

 

Thlafam zun leh Lal ram ngaiin,

Ka hringnun aw engkim zuna uai hi;

Tlangtin awitu Rengchal, Uleuh, Dawlrem,

Vevu, Ngirtling, Lelte aw,

Ka Lalnunnem, rianghlei hi min awm rawh.

 

 

 

6. LAL LENNA RAM

 

Lalnunnema ram ngai hian maw,

Ka hringnun hi a chauh zawh tak,

Thlamuantu tur awmna kar hlat vang hian maw;

Ka chhing mittui a lo luan le.

 

Lal lenna ram ka thlir ning thei lo,

Aw lung a leng, Zion ram ngai hian,

Hmangiahte leh hmangaihtute nen,

Chu khawpui mawiah chuan tual kan chai ang.

 

Aw zion khawpui mawiah chuan,

Intihnat reng a awm tawh lo’ng

Chinghnia leh Beramnote an len za na,

Aw, thlen hlan nghakin ka fo thin.

 

A cham rei hian ka ring em mai,

Ka hringnun hian a zo mawlh lo;

Aw, hlimna Kanan lenkawl lo engthuai la,

Aw kawngkhar mawi lo in hawng tawh rawh.

 

7. PATHIAN LALFA

 

Hmanah Jabok lui kaiah

Lalpa Vantirhkoh chuan Jacoba chu buanin;

Hliamna na tak pawh thlen mahse,

Jocoba dilna angin malsawmna chuan,

Jacob bumtua ni lovin Israela,

‘Pathian Lal fa’, a vuah ta e.

 

Pathian Lal fa ni thei tur chuan,

Hringnun hneh a ngai a;

Buantu Thlarau Thianghlim,buanna hneh a ngai a,

Nang pawh unau, malsawmna dawng ve turin,

Tang la, tang fan fan.

 

Tunah ngei pawh hian unau,

Lalpa Thlarau Thianghlim chuan min buan e nang leh kei;

Min hmangaih anka, chhang ve tur hian,

Kan hringnun ram hian min dang si thin amaw!

He lei hring lam dan hi ral zel sela,

Lalpa Thlarau, lalber rawh se.

 

Jacoba ngei pawh khan e,

Pathian leh mihring buana a hmel a hmuh nan;

Bumtu ata Pathian Lal fa,

Tuarna ata, malsawmna lawmawm nen,

Bumtu ata Pathian Lal fa nihna,

Peniel hmun,I thlir ang u.

 

 

 

 

 

 

 

 

30. KAN ZIN KAWNG KHAWHAR TAKAH

 

 

Kan zin kawng, khawhar takah hian,

Harsatna tawk mah ila;

Lalpa nen chuan vanram a chang thin,

A mite min veng reng thin.

 

Lal Isuan nen,engkim a ropui,

Lungngaih tuifawn karah pawh;

Lallukhum chu kan chang ngei ang,

Lal Isua, kan zui tlat chuan.

 

Kan thawhrimna kan zawh hunin,

Kan zin kawng kan pelh hunin;

A nin min lawm ang a ramah khian,

Lo haw rawh, lo chawl tawh la

31. LI THUK LAM PAN LA

 

Hun leh nite an kiam a, damchhung ni te an ral zel,

Khawvel hian a mawina zawng zawng nitinin a herliam pui;

Tlanna thu hrelo tam tak a herliam pui mek e,

Chhantu an ngai e, chhanchhuak ang,

Thlaraubo pakhat tal i hruai ve dawn lawm ni?

 

Zirtir Simon Petera hnenah Lalpan ti hian a ti,

"Li thuk lam pan la, Sangha man turin in len te deng rawh;"

A thupek zawma len an han den meuh chuan,

Chhiarsen loh khawpa thilmak a lo thleng ta e,

Lalpa chu fakin awm rawh se!

 

Van angelte lo kal in thuin an hril tawh lo'ng,

Nang leh kei erawh hi zawng leiah hian damchhan kan nei;

Enge kan damchhan amah ringtu te hian?

Boral mek te hruaikhawm tur leh,

A chanchintha hril tura koh leh a thlan kan ni.

 

Sual sipai te lo hrangin min bei thin mahsela,

Kan rahchin apiang kan ram, hawh u i bei zel ang u;

A chhandamna thuthlung ropui thlarau ngunhnam nen chuan,

Lalpan kan hma a hruai zel ang a,

Kan kal zel dawn e, kan zam ngai lo e Zion fa.

 

Krista van a lawn dawna a thupek ropui kha,

Khawvel zawng zawngah kal ula;

Thilsiam zawng zawng hnenah chuan chanchintha hi hril rawh u,

A ringa baptisma chang chu chhandamin an awm ang a,

A ringlo erawh chu thiamloh changin an awm ang.

 

 

 

 

 

8. LEI PIAH LAM RAM

 

 

A khi thangvan sang chum zinna piah lam atanga,

Piallei ram zau leilung mawina ka han chuan ni chuanin;

Awi ka dawn ka hril thiam lo, tanglaia’n min kham liai e,

Mahse maw a reilo em, a vullai ni a rei lo em.

 

He lei piah lam ram ni tlak ngai lohna,

Luipui luang ri rehnaah,chatuan ram mawiah khianin;

Kan mi ngaih kaltate an kimna Jerusalem tharah,

Tah chuanin ka tan hmun a awm,

Chutah thlen hlan ka nghakhlel e.

 

Tlang sang kham rang leh phaizawlluipui luang cham del nen,

Chungtiang khawthiang van boruak mawina zung tin zam velte;

Min ngai zualtir e he lei paiah lama khawpui hlun tur,

Hei aia ram mawi zawk ka nei, chutah thlen hlan ka nghakhlel e.

 

Ka thinlung chhunga hlimna leh lawman ka dawn chante

Ka han bel chianga hmangaina ka dawn zawngte nen hian;

An thamral leh mai si maw,hlun lo tura duan a ni,

Min ngaihtir e ka ram hlun tur, chutan thlen hlan ka nghakhlel e.

 

 

 

9. MIN HRUAI LEH RAWH

 

 

Chak lo te chakna Lal Isu,

Kan thinlungah lo cheng leh rawh;

Chhandam hlimna aw min pe leh la,

I tello chuanin aw kal dan kan thiam thei love.

 

Min hruai leh rawh ka Lal Isu,

A har ka ti mang e Lalpa;

Aw Halleluiah Amen,Halleluiah,

Kal dan kan thiam … kan thiam thei love,

Kan lo kal ve Lallunghnem,kan lo kal ve;

Ropuina chawimawina zawng zawng te,

Lalpa tan aw I hlan zel ang u.

 

Thlarauva Pathian awmna tura,

A remkhawmte kan ni si a;

Fakna hla leh thlarau lam hla ten,

Lalpa I chawimawi… Lalpa I chawimawi zel ang u.

 

Hnung lama thil awmte theihnghilhin,

Tiam chin lam I pan thuai ang u;

Hrehawmna leh lungngaihna karah pawh,

Aw hmangaihna nen Lalpa rawng I bawl zel ang u.

 

Min hruai leh rawh ka Lal isu,

A har ka ti mang e,Over;

Aw halleluiah Amen,Halleluiah,

Kal dan kan thiam,kan thiam thei love;

Kan lo kal ve Lallunghnem…kan lo kal ve….

Heidenrial,Over lai Halleluiah,

Amen..Amen…Amen..Amen..Amen….

32. AW LALPA I MALSAWMNA HLU

 

Aw Lalpa, i malsawmna hlu,

Kan engkim chungah a lang;

I thu lo chuan kan nunna hlu,

Kan neih zawng nen a ral ang.

Kan fak a che,

I khawngaihna kan hmuh hian.

 

Nangma khawngaihna kut ata,

Nunna leh chakkhai tinreng;

Hlobet, pangpar nung tinrengin,

An dawng thin malsawmnate.

Fakna hlate,

I hnenah an hlan kumtluan

 

Aw kan Lalpa, engkim Siamtu,

Nangma kut chhuak zawng zawng hian,

Mangan, lungngaiha min vengtu,

Fak tawk lo che mah ila,

Min ensan suh,

I duhzawng min zirtir rawh.

 

Hunte, nite an ral zel a,

Khawvel thil mawite an chuai;

Kan sualna zawng zawngte Lalpa,

I theihnain a tifai

Hun hmuh kan chak,

I chakna ring zel chung hian

 

 

 

 

 

 

 

 

33. LAl RAM TAN

 

Lei kum leh ni her liam zelah hian,

Min chim phak lo; lei ram buaina ten;

Min hruaitu siar chauh enin,

Kan dam chhung hun zawng hi,

Aw, Lal ram tan kan hlan.

 

Dam chhungni hunreloteah hian,

Lal rawngbawl nan kan nun kan hlan e;

Kan thawhrimna kan zawh hunah chuan,

Sirva iangin thlawkin,

Aw, Lal ram kan pan ang.

 

Khawvelah Lalpa ram din turin,

Tap chungin kan buh chite kengin;

Tlang tin, ram tin leh kil tin fangin,

Hlim takin buhphal kengin,

Aw, kan lo haw’ng le hang.

 

Herliamin thangvan sang an kai ta e,

Mi thianghlim Lal ram hmangaihtute;

Chhandamna thuthlung puang zelin,

An rosum, thisen leh nun,

Aw, Lalram tan an hlan.

 

 

10. PHILADELPHIA

 

Unau lungduhte nen in tawh changing,

Lairil, Thinlai zawng a hlim thin ngei e;

Rinnaah chuan chhak leh thlanga mite pawh,

Danglamna reng awmlo,thukhat vuanin kan awm.

 

            Chhak leh thlang chhim leh hmar a mi,

            Chitin hnam tin, tawng tinrengte;

            Krista tlanna thisen avangin,

            Lungrualten tualkhatah kan leng,

            Lalpa pakhat rinna hmunkhat

            Baptisma hmun khata awmin

            Aw, unau hmangaih Philadelphia kan ni e

 

Krista thisen hrin khata awm tlangin,

Rilru, thinlung thinlung hmun khatah kan luang za;

Hmangaihna leh remnaa insuihkhawmin,

Kna tum leh kan beisei chu thuhmun a ni.

 

Krista hmangaihna thuthlung ropui hi,

Khawvel hmun tinah lo thang zel sela;

Ramtin leh kil tin hi fang chhuak thuai thuai se,

Khawvel hi chhandamtu Lalna ram lo nise.

 

 

 

 

11. KAWNGKHAR MAWI

 

Ringtute u, zam lovin I kal zel ang u,

Khawvel ram zawng hlun tur a ni lo;

Riltam saruak thihna ram a ni,

Kan tum ram lam pan zelin,

Chhel takin kan thlen hma loh zawng.

 

            Halleuiah aw, Halleluiah,

            Zion khawpui thar a lang e;

            I thlir ang rinna thlarau mit ngeiin,

            Kawngkhar mawi hawnin a awm reng e.

 

Thlaler ram ro kan pelh hma hi chuan ringtuten

Lungngaih, mangan, lusun, thlaphan;

A bang lo’ng Lal remruat dan a ni,

Mahse rinnain I thlir ang aw,

Kawngkhar mawi hawnin a awm reng e.

 

Jordan lui ral kan kai hunah chuan tlansaten,

Van rangkachak khawpui mawiah;

Sirvate ianga leng der derin,

Kawngkhar mawiah khian kan lawi taw hang,

Halelui, a va nuam dawn em.

 

 

 

34. LO HNAI LEH RAWH

 

Zion ram ngaiin kan rum thin a,

Min hruai turin aw, lo hnai leh rawh;

Sualna chhumpuiin min chim ral mek,

Engtin nge maw kan tih tak ang le?

 

            Zion ram ngaiin kan rum thin a,

            I hnen thlen hlan ka va nghakhlel em;

            Sualna doral in min chimral mek,

            Imanuel, aw lo hnai leh rawh.

 

Lalpa I mite kan chau zo ta,

Sualna chhumpuiah kan boral  mek;

Thim thuneihna su kiang thei turin,

I thlarauvin min ti harh leh rawh.

 

Thuthlung fate harh a hun ta e,

Hmangaihnaa rawngbawl thei turin;

Lalpa hmangaihte hruaikhawm zelin,

Lalpa tan I sengkhawm thuai ang u,

 

Nikin ni a lo thlen hma ngei hian,

Sual bawiha tangte I chhanchhuak ang;

Hun tha tlemte chauh kan neih chhung hian,

Lalpa tan chauh I thawk chhuak ang u.

 

35. KA ZAM NGAI SILO

 

Thlemna tuifawn karah leng mah ila,

Tlantu ka nei reng ka zam ngai si lo.

Van angel leh serafim ten tlantu fakin an awi,

Lei ram nun reng ngai bil lo in;

Halleluiah! fak zai sa in,

Beramno chawimawina hla thar an sa e.

 

Lawm in an leng e hmangaih lungduh te,

Kei pawh ka leng ve ang a chu ram mawiah chuan;

Halleluiah! nawn in tlantu fakin ka zai ve ang.

Aw, ka hringnun he ram hi a lo ral hunah,

Hmangaihna fawn velah te chuan ka leng ve ang a;

Beramno chawimawina hla thar sa in,

Lei hringnun reng hi ka ngai tawh lo'ng;

Hnutiang chhawn in buaina chhumpui zing,

A lo ral hunah chuan ka thla a chawl ve ang.

 

Miten an hrilh van ropuina kei zawng ka tem lawk thin,

Hringnun piah rau thla ka fan chang in;

Lungmantam, rangkachak, krustal khawpui,

Laitual ah ka leng thuthlung vangin.

 

 

Thlemna tuifawn ten min nuai mahse,

Danglam ngai lo tuifawn chunga lalber ka nei;

Thlipui leh tuifawn in a thu an awih,

Leilung nghahchhan phum a mahni chauhva,

Van kaipharhtu Pathian ka nei;

Ka zam ngai lovang a hmangaihna fawn velah,

Ka leng ang hlim leh muang ten,

A angchhungah hnuaih ka leng ka thla a chawl ngei ang.

 

12. LALPA THUTHLUNG ROPUI TAK CHU

 

Lalpa thuthlung ropui tak chu,

Khawvelah a thang zel a;

A ringa baptisma chang chu,

Chhandamin an awm ang.

 

            Pa, Fapa leh Thlarau thianghlim

            Hming Lal Isua a ni;

            Hming zawng zawnga chunnung ber chuan,

            Baptist – in kan awm ta.

 

Krista thihna leh thawhlehna,

Tawmpuitu ni ve turin;

Baptisma – ah phuminn kan awm,

Nunn thara kan awm nan.

 

Pathian rama lut thei turin,

Tuiah leh Thlarauvah chuan;

In piangthar tur a ni tiin,

Lal Isua’n min lo hrilh.

 

Thlarau thianghlim tiam hmu turin,

Hla taka mi te tan pawh;

A koh apiangte tan a ni,

Haleluiah! Amen.

 

 

13. TALITHA KUMI

 

Tidamtu Lal Isua he khawvela a lenlai khan,

Damlote tidamin mitthite a kai tho va;

En teh hei Lal Isu, ka fanu hi a thi ta,

Tidamtu ka Lalpa ka fanu tidam leh rawh.

 

Talitha kumi, aw lo tho ta che,

Tisa nawmna chenin sualah tlu tawh mahla;

Chemte tho rawh , Lapan a tic he asin,

Talitha kumi Lalpan a kai tho leh ta.

 

Piangsual tawngtheilo leh ramhuai zawlte an dam leh ta,

Lungngai lusun fate Lal isua’n a hnem zel a;

Rethei riangvai  faten thlamuanna an hmu ve ta,

Lalpa kohna hriain mitthi te an tho leh ta.

 

Aw unau, tunah hian Lal Isua’n a ko che asin,

Tisa leh thlarauva Chauvin natna nei mahla;

Tidamtu aw nem hi damlo tan damna a ni,

Sual sim in rawn pan la, I dam ang, I dam ngei ang.

 

Lalpa thlarau thianghlim he khawvela a len lai hian,

Natna veitute chu tunah hian lokal ru;

Tisa leh thlarauva damna duh a piangte chu,

Lalpa’n a tidam a, an tho ta, Halleluiah.

36.  LALPA KA LO MAMAWH CHE

 

Ka rawl lai hun leh ka chak lai ni, ka vanglai hun leh kum zawng te kha;

I tan pe phal lo vin Lalpa, ka duhdanin ka hmang ral thin,

Ka chakna thahrui leh theihna chhuangin Nang ka mamawh ngai lo che a,

Mahse, ka vanglai hun a lo liam a, chakna tlemte chauh ka nei ta,

Ka damchhung kum te a lo tamin Lalpa ka mamawh che.

 

Aw, lo hnai rawh Lalpa, nang ka ngai che,

Ka thla a ngam thei lo khawvelah hian;

Chawlhna daihlim leh muanna ka hmu zo lo,

Min hnar suh la i hnen ka rawn pan che,

Ka damlai ni te a kin hunin i ram mawiah min hruai rawh.

 

Ram ropui leh thiltithei te pawh an ral leh thin khawvelah hian,

Mi ropui leh mi hmingthang te kha dairial changin an tham ral thin;

Ka khualzin kum leh ka dam chen tur engtiang nge ni dawn ka hrethiam si lo,

Ka hringnun par vul a lo chuai ang a ka tawpna ni a lo thlenin,

Ka kiangah awm reng rawh, Lal Isu, nang chauh ka mamawh che.

 

I chun leh zua leh i thian duh ten sirah hnawlin hnutiang an chhawn che maw?

I hmangaih ber i inghahna chuan puan ang hnawlin a phatsan che maw?

Rairah vanga i chin lai leng te hmuhsit leh diriam i tuar thin em?

Mahriaka damchhung nun khawhar hmangin hmangaihtu reng i tawng lo em ni?

Eng lai pawha nangmah thlir reng tu Isua'n a hmangaih che.

 

37. KA VUL VE ANG

 

Khawvelah hian van ropuina kei zawng ka lo tem lawk thin,

Dam lai hringnun piah ram khawvel thar nuamah;

Muangte'n an chawl e, hmangaih lungduh lenrual then tak te kha,

An iangin keipaw'n he khawvel ram hi ka chhuahsan dawn.

 

Ka nghakhlel e, chhandamtu kianga ka len hun tur,

Nunna tuipui kiangah mawite'n ka vul hun tur;

Hmangaihtu leh a ram Zion khawpui mawi ve in par ang ka vul ve ang,

Hringnun buaina ram reng hi ka ngai tawh lo'ng.

 

Buaina tuifawn, thlemna karah Lalpan ka hma a hruai zel ang,

Zoar tlang nun himna ka thlen hma loh chuan,

Phaizawl nun ngai a hnutiang hawikir lo in ka tlan zel dawn,

Lawng chawlhna tlang thianghlim ka thlen hma chuan ka hawikir lo'ng..

 

Par ang vulna chatuan ramhlun ka ngaih lai ni a lo zual leh thin,

Van run khartung sawna siang lawi ni ropuiah,

Lawmna chuai thei lo, Salem Lalpa fakin kan zai ang,

Damlai ni liam thuai se, ka nghak Zion khawpui thar chu

 

 

14. LAL RUN NUAM

 

Ka buaina zawng zawngte,

Kalvary tlang ka thlenpui changin a kiang leh thin;

Aw, Heleluiah! Amen! Amen!

Hmangaihna par chul lo tur, a parzu thlum tlanin,

Ka leng, ka leng der der ang thangvan sangah khian,

Ka Lal hmangaih tualnuam khi ka thlên hun chuan.

 

Hosanna, Hosanna, Hosanna,

Lalberte Lalber chu fakin, i chawimawi ang,

Lal Engkimtitheia chu, min tlantu a ni;

Aw, Zion fate tan, Lal Isua chauh hi Pathian  a ni,

A ramin kinni a nei lo vang, a zau zel ang chatuanin,

Lal run nuamah khian kan cheng thuai dawn.  

 

Zion khawpui mawi khi,

Lalthuthlung vanga riang zawngte an kimna hmun;

Inthenna reng a awm tawh lo'ng,

Hrehawm tinreng a kiang ve tawh ang a, thangvan khawpuiah khian,

Buaina chhumpui reng reng a zing tah ngai lo vang,

Hlimzai vawrin Chhandam fate kan vul tawh ang.

 

Hringnun a ral hunin,

Tawtawrawt riin ram fate min ko khawm ang a;

Chhumzinna piah rammawiah khian,

Inkhawmpui reng a tiak tawh ngai lo vang, Beram No Lal ramah,

Chitin, hnamtin, ramtina chhandam fate zawng,

Puanvar ropui sinin kan leng dial dial tawh ang.

 

 

 

15. I DAM THA EM?

 

Lalram hmangaihtute khawnge in awm tak?

Lalram tulna a sang zel si,

Nitin in an pung zel chhandamtu hre lo leh,

Zirtirna dik lo in a chim buai mek te,

Kawng dik hre lo in chhantu an ngai e.

 

He a chawlhna, luhna thuthiamah,

Awm reng siin tling lo kan awm mial ange;

Aw, i dam em? I dam tha em?

 

Hun leh ni a thleng, chakna a tlem ta,

Vanglaini pawh a chuai zo ta;

Lalpa nghaktute chuan Lalpa chakna ringin,

An chakna an siam ang a, Lalram an din zel dawn,

Hmelma leh dotute karah pawh.

 

Lalpa lo kal leh ni a hnai ta e,

A lo kal ni a hnai ta e;

Inpeih lo te tan chuan inpeih a hun ta e,

Thuthlunga awm te chauh a hruai dawn si,

Han dawn chiang la, i dam tha em?

 

 

 

38. JEHOVA JIRE

 

Jehova Jire Lalpan a ngaihtuah ang.

 

Pathianin Abrahama hnenah,

"I fapa mal neih chhun Isaka ngei kha;

Moria tlangah va hruai ta la,

Halral thil hlanah hlan rawh" a ti.

 

Abrahama chu tlangah chuan a kal a,

Thil hlan tur beramno a awm si lo;

A fapa Isaka'n a pa chu a bia a,

"En teh, mei leh thing chu a awm a,

Mahse, halral thilhlan tur

Beramno chu khawngaiah nge a awm?"

Lungngai suh, Lalpa'n engkim a hria,

Mahni intumchawp a ni,

Jehova Jire, Lalpa'n a ngaihtuah ang,

Aw, Jehova Jire, Lapa'n a ngaihtuah ang.

 

Rinna in Abrahama hnenah,

Lalpa fiahna thu a thlen ni khan,

Lalpa hmaah a pha lo a,

A fapa mal neih chhun a hlan a ni.

 

Lungngaiin a rum ve ngei ang,

Mahse, Lalpa thu in a kal zel a;

A hringnun ram chu ral zel a,

Pe tu leh la lettu a nih vangin.

 

A fapa neih chhun tak pawh khan,

Lalpa tan ui lo a hlan vangin;

Malsawmna a vurin a awm,

Thuawihna chu malsawmna a ni.

 

 

39. THEN LOHNA RAM

 

Aw, chung van in khawpuiah angel var zingah,

Zai vawr zain ka hmu lungduhte;

An hmel mawizia chu sawithiam a ni lo,

Awi maw! an lawm kim hian ka hmu.

 

Pangpar chitin reng an vul,

Van Lal run chung thangvanah;

Lung man tam khawpui laitualah chuan,

Pialral thenlohna ram Zionah chuan.

 

Awi maw! suihlung min len e, riang min chan kei zawng,

Ka ram fan khawpui chu nitin hian;

Dawn in tlai ni len awi maw har ka ti,

Angai hian maw hun leh ni ka chhiar.

 

Khartung sawnin thangvanah sianglawi ka nuam e,

Min lo lawm ang angel leh tlansaten;

Lei lungngaih reng reng kan tuar tawh lo ang,

Hmangaih khawpui Zionah chuan.

 

Lal zun ngai kan kur diam e, ni chhun kan chhiar e,

Rumin lei nun kan chhiar, kan tap thin;

Lunglai ril a na e, thangvan ngaih a na,

Chu ram chuan kei zawng min ko e.

 

 

 

16. DAM HLEN RAWH U

 

Lalpa hmangaih Zionfate,

Lungrualte a kan len laiin;

Thim lal nunrawng nunzia rawn chang e,

Lungduh thenna thu zai kan rem e.

 

Aw, ka ngai then lohna ram nuam,

Lungchim te'n hmangaih par tlanin;

Lalnunnema tangnem bel ve in,

Hlim te'n zai vawrin kan leng za tawh ang

 

Min hmangaihtu Lalpa chuanin,

Kal rawh, ka tan kal zel mai rawh;

I rah chin apiang ka pe ang che,

Tiin min tiam, hlim te'n kan kal zel dawn.

 

Min hmangaihtu lenrual duhte u,

He leiah inthen thin mah ila;

Hnemtu Lalpa lenna Zionah,

Hlim te'n kan leng, kan leng za tawh ang.

 

Lei hringnun hi a ral hnai dawn,

Tapa luaithli nul a bang tawh ang;

Damna Lalpa'n a pek in chan kha,

Dam ula, dam rawh u, dam hlen rawh u.

 

Dam ula, dam rawh u, dam hlen rawh u.

 

 

 

17. TAWPNA NI A KA HRINGNUN

 

Tawpna nia ka hringnun hi a ral hunin,

Thihna tuifawn thim ka dai kai ang;

Ralmuanna van ka thlenin lungngaih a bo vang,

Ka thlarau chatuanin a chawl ang.

 

Van kawtthler mawiah khian,

Angel lai lennaah;

Lei hring nun piah lamah,

Chatuanin ka la han chawl ang.

 

Lawmna sawi sen loh chu khawpuiah chuan a awm,

Hmangaihna thlifim a tleh fo va;

Tui nung lui chatuanin a luang cham del chutah,

Lungkham, buai leh tahna piah ramah.

 

Tuipui thim ral rama van kawtthler han thlen chu.

Engtia lawmna nasa ni ang maw!

Chatuanin chu ramah van angel rualte nen,

Hnehna hla mawi kan sa rual ang a.

 

 

 

40. RIMAWI ROPUI BER

 

Tlang tin chuanin mual tin hruta hawi vel in,

Luipui luang damdiai leh chhemdam thli;

Khua tin luahtu hringmi ropuina te hian,

A siamtu ropui zia min hrilh thin.

 

Kei zawng ka zai zel dawn min siamtu fakin,

Chatuan nun min petu fakin;

Chu aia hlu zawk rimawi dang reng awm thei lo,

Hei ngei hi a ni rimawi ropui ber.

 

Khuavel lo parvulin mawina chhuah zel se,

Tlang tin leh mual tin mawi zual zel se;

Thing tin par vul zual se hramthiam tinreng pawh,

An mawi zual leh siamtu an fak zual.

 

Hringmi thiamna, finna zawngte nei ila,

Chawimawina leh ropuina zawng nen;

Nang chawimawina dal thei engdang ka thlang lo,

Nang fak theih che hi ka duh ber e.

 

 

41. RAM NI ENG MAWI

 

Jordan ram raltiangah khawpui hlun chu a awm,

Sual hnehtu mithianghlim te an leng e;

Kawngkhar mawi a lut tur a insufai vek in,

Lei hnutiang chhawn in raltiang an kai tawh e.

 

Hlim takin kan leng ve ang ramni eng mawi takah khian,

Kan khualzinna leiram pel a kan tawhrimna kan zawh hun in;

Beramno hmel hliam hnu kha van mithianghlim te zai rimawi nen,

Hnehna hla mawi sa in kan awi ang buaina chhum piah luiral rammawiah khian.

 

Chu khawpui a lengte chuan "ka damlo e" tiin,

Lungngaihna biahthu reng an sawi ngai tawh lo;

Chhandamtu thuthlung vang a sual ngaihdam te an ni,

Buaina ten a chim phak lo khawpui mawiah.

 

Sualna ten thla an zar e lei hrehawmah hian,

Kan dam thei lo i hmangaih te Lal Imanuel;

Taksa leh thlarau damlo nun tuihal te tan,

Gileadah thinghnai damdawi a awm lo'm ni.

 

Lei ropuina hnawl a Lal Krista thlangtu te chuan,

An vui lo Lal rawngbawlnan an hringnun;

An hun hlu, an rosum leh thisen thianghlim nen,

An hmangaih Lal ram tan an hlan e.

 

 

18. ZION LAWNGLIAN

 

Tuipui ral ram saw thlir ve teh u,

Nitlak ngai loh ramnuam saw;

Hmangaihtu Lal nunnem khawpui a ni si,

Aw, chu hmun nuam a len hun tur,

Ka nghaklel e, ka nghakhlel e.

 

Zion lawnglian a kal mek e,

Ramtiam khawpui pan tur in;

A duh apiangte tan Lalpan a buatsaih a ni,

Aw, chu hmun nuam a leng turin;

Zion lawnglian a her liai liai.

 

He khawvel a kan len chhung hi chuan,

Lungngaih, tahna, a bang dawn lo;

Imanuel hmangaih khawpuiah chuan,

Kan len hun tur nghak in,

Ka rum vawng vawng lei hreawmah

 

Ka tahna lei a ral hunah chuan,

Ka ngai lo'ng khawvel ram hi;

Angelvarten lawngchawlhna tlang thianghlimah,

Aw, min lo hmuak ang a,

Thenna reng reng a awm tawh lo ang.

 

 

 

19. KA NUN KAWNG HRUAITU

 

Damlai khawvel a ka nunkawng hruaitur in,

Aw, Lal Jeho, nang ka ngai che;

Sualna kawng ralti leh bo na hlauhawm karah,

Van arsi eng mawi ka kawng min en rawh;

Setan sual doral ka hneh theihna turin,

Ralthuam famkimin aw min thuam ta che.

 

Nitinin Lalpa, I kianga len ka nuam,

Ka ram ngaihber chu nangmahah a awm si;

Lei hringnun pelin Angel varte zingah,

Tawpni nei lo a fak che ka nuam e.

 

Buaina chhumpui zingin tlangtin a bawm,

Eden natna veiin ka chau e;

Ka thla a ngam thei lo ral ramah hian,

Chawlhna ram nuam ka thlen hma loh chuan;

I rammawi panin ka lo haw mek e,

Hringnunah hian ka cham rei tawh lo'ng.

 

Ka damchhung reiloteah hian, aw, Isu,

I ke bulah awm ka duh e;

I zirtirna thutak leh, aw, I kawng thianghlim,

Leimawina aiin ka thlang zawk e;

Ka damlai hringnun hi a lo ral hunin,

I kianga leng turin min lo kai ang che.

 

Zantiang khawhara thlifim leng vel hian,

I ngilneihna an chhiarseng lo a sin;

Zanthim entu van khua leh tui te pawn,

I felna thu an hrilzo thei lo;

Zing khawvar eng a ni eng mawi lo chhuak in,

I lainatna kang ngai lo an puangzar leh thin.

 

 

42. NAZARETH TLANGVAL HMELTHA

 

Nazareth khua tlangval hmeltha kha i hmu em?

Hmutu apiang lawm in an khat zel thin;

Kei pawh ka hmuh ve chinah chuan,

Lawmin ka khat ve ta a ni.

 

Ka Lalpa chu a mawi ber e.

Hlinglukhumin phuar vel mahse;

Khawvel mi ten hmusit mahse,

Ka Lal duhawm, ka lawmna ber a ni.

 

Patmos thliarkarah pawh Johana'n a hmu a,

A hmel chu nisat vanglai ang a ni;

Thi ang der in a lum ta a,

Ka Lalpa hmel engah chuanin.

 

Lei leh van palai intawkkhawm pawhin an hmu,

A hmel chu ni angin a lo eng a;

Apostolte'n an ning thei lo,

Bawkte khawh hial mai an duh e.

 

Retheite leh lungngaite hnemtu Lalpa chu,

I thinlungah hmun i chantir tawh chuan;

Thlamuanna reh thei tawh lo chu,

Chatuanin i chang ve tawh ang.

 

43. KHAWVEL A BORAL MEK

 

Khawvel buainaten nitin  min chim thin a,

A mawinaten nitin mi hip a;

Ka thinlung hi a lo chau zual  thin a,

Krista tel lo chuan engmah reng ka lo ni lo.

 

Khawvel a boral mek a boral mek e,

Hlun tur treng an awm lo, an ral leh thin;

Mahse, Lalpa’n kan tana hmun a buatsaih chu,

Chatuan pawhin, aw , a ral lovang.

 

Ka tisa thinlung duhaisam zawng te kha,

Hmingthan, sanna, ropuinate chang a,

Ka phak bak neih tuma ka buaina zawngte,

Krista zarah chuan damten ka thlahta,

 

Lalpa I thlarau thianghlim pawlna lo chuan,

I hming ropui nana in hman zel hi;

Ban leh lam vai mai pawh a har ka ti thin,

I thlarau thianghlim chuan min pawl reng rawh

20. PENTECOST THALAI

 

Pentecost thalai rinna a ral do tute,

Damlai thlemna leh harsatna awm thin mahse;

Krista tlansa suala tangte chhanchhuak turin,

Lapan min chah kha chanchintha puang darh turin.

 

A thisena min tlantu chanchin mawi hrilin,

Zai leh lamin riamwi te nen chawimawi i la;

Lalpa’n ram min tiam Chatuan chawlhna thlir zelin

Muang lovin Krista tan I sengkhawm thuai ang u.

 

Ram tina Krista kohhran tung ding zel turin,

Hriatna, Thiamna, Dikna, Rinawmna, Hmangaihna;

Thlarauva nun that famkimnate chu zawngin,

Lungruala Krista enin I kal zel ang u.

 

Thlamuanga kan ngawih renga Krista kan nghah chuan,

Nuna thu hre lo boral ta te chan tur chu;

Chatuan thihna a ni, engtin nge ni ang le?

Pentecost thalai, muang lovin I thawk ang u.

 

 

21. I PIANGTHAR TUR A NI

 

 

Chhandamna kim chang turin I piangthar tur a ni,

Piangthar lo chu chhandam an ni lovang;

Chhandam loh chu vanramah an lut thei loving,

Vanrama lut tur chuan pianthar a ngai a ni.

 

“Mi tupawh tuiah leh thlarauva an pian loh chuan,

Pathian ramah an lut lovang” Lalpa’n a ti

 

Hriatna mai zawng a tawk lo, rinna mai a tawk lo,

Thlarauva pianthar mai pawh a tawk lo;

Tui leh thisen leh thlarau hriatpuitute hi

I chankim si loh chuan chhandam I ni loving.

 

Lal Isua hi thinlunga Lal leh Chhandamtua,

Pawm mai hi chhandamna a tling love;

A thupek zawmna zawk hi chhandamna a ni,

A thupekah lo chuan chhandamna a awm lo.

 

Lal Isua chhandamna hi thiltih vang a ni lo,

A thihna leh phumna leh thawhlehna;

Tawmpuiin a hminig ngeiin baptisma chang la,

I sualte tlengfai la chhandamin I awm ang.

 

44. Tlanna Mak

 

Ka Pa in van hmun sangah khian,

Rinna thla in ka leng thin a;

Tlanna thisen zara ka chan ve ram,

Aw, vandumpawl piah ramhlun khi ka ta a ni.

 

Aw, tlanna mak, tlanna duhawm, tlanna hlu,

Sual a thi tawh te tlanna chu;

Khawvel zawng zawng sualnate min tlan tu chu,

I fak ang, i fak ang, i fak ang u,

Kan aw neih zawng leh thiam tawk te'n i fak ang.

 

Aw Lalpa, ka Pathian,

Ka thinlung chhungah hian,

Chatuanin nang lo cheng reng la,

I thlarau finna, hriatthiam theihna min pe rawh.

 

Lei rosum hlutnate'n ka ngaihtuahna a luah paw'n,

Lalpa nangma'n min tlanna thu hlu hi;

Aw, Hriatchhuah thiam theihna,

Finna min pe zel ang che.

 

Aw, tlanna mak, tlanna duhawm, tlanna hlu,

Sual a thi tawh te tlanna;

Aw, tlanna mak, tlanna duhawm, tlanna hlu,

I fak ang, i fak ang,

I fak chiam ang, i fak chiam ang

Aw, i fak chiam ang,

Tlanna mak, tlanna duhawm, tlanna hlu,

Sual a thi tawh te tlanna chu,

Khawvel zawng zawng sualna te min tlantu chu,

I fak ang, i fak ang, i fak ang u,

 

45.  JEHOVA SHALOM

 

Ka hmaah lungngaih beidawn,

Hlawhchham sawichhiatna a lo ni;

Ramhuai aw leh Seyan kutin,

Mini hual vel Jehova Shalom in min nghak reng.

 

Jehova Shalom ka rinawmna,

Jehova jire ka huaina;

Tlakchham reng ka hlau loving,

Lalpa chu a hnai reng mai.

 

Min tihthaih rRamhuai aw ten,

Aw thlemna ka hrechiang em che;

Aw thimna ka hmelhriat I ni,

Lo tang ru Jehova Shalom alo hnai e.

 

Aw, Lapa Pathian ngei chuan,

Hlau suh thihna ah pawh hlau suh;

Thlamuangin awm zel mai rawh,

I hmaah ka ding zel dawn a ti.

 

 

22. THIH LEH THIH

 

Thlaru tuipui khup chen a ka dai laiin,
Nghawng chen a dai turin min ko va;
Nhawng chen a dai a ka in ngaih laiin,
A hleuh a hleuh turin min ko ta si.

Thih leh thih leh dam leh dam,
Min hruaitu mei leh chhum pawh an kal zel;
Khawram hnuchhawnin enge ka chan sual ang,
Kan zui leh mai phawt ang che awle.

Rinna in Kanan ram ka pan laiin,
Mei leh chhumin ka hma a hruai zel;
Manna vahmim ka dawn vangin maw,
Awmhlen ka tum a hruaitu ngaihsak lovin.

 

Hmanah Mosian Kanan ram a pan laiin,
Dan hmangin hruai thlen hram a tum a;
Kanan ram thleng tura a hruai laiin,
A hmangaihte chu a lo famsan ta si.

Zawngtu leh a zawnte intawhna Kanan,
Tah leh hathial anchhia te a bo;
Rulpui leh naupang te an tualchai na,
A laiah entu leh vengtu beramno.

 

 

 

23. KRISTA TANA SENGKHAWM

 

Lalpa kohhran thalai rualte,

Hlim leh lawma zai vawrin;

Kan Lal Isua tan I thawk zel ang u,

Kan vanglai te Lalpa’n min duh.

 

Kan thupui ber Krista tana sengkhawm,

I puang zel ang I hril zel ang,

Kan chetzia leh zai rimawite nen,

Hmangaihna leh ngilneihna te nen;

Chutin miten an lo hmu ang a,

Kan nuna Krista chu.

 

Heng mite hi tue nge ni?,

An nun dan reng mai te saw;

An thianghlimin an va mawi ngai em,

Miten min tih theihna turin.

 

Krista tana sengkhawm tura,

A kohchhuahte kan ni si a;

Keinin kan puan lohvin tunge puang ang,

Lal Isua tan seng khawm zel ang.

 

 

 

46. HNEHNA HLA KAN SA E

 

Harsatna tinreng hnuaia leng in,
Hun khirh tak chu a lo thleng mek a ni;
A thuthlung vang a zam ngai lo sipai huaisen te u,
Setan sual lalram Babulon phaizawl ah,
Indona puanzar tarin kan ding e,
Lal Kristan kan hma a hruai zel e.

Hnehna hla sa in kan puang e,
Hnamtin, chitin tan a chanchintha;
Sual bawlhhlawh tlenfaina tuikhur hlu,
Kan rawn hawng e, mitin te tan,
Lal dang reng kan nei lo, Nazareth Isua chauh lo chu,
Haleluiah! hnehna hla kan sa e.

 

Ngai teh u, thlaler a mi au rawl,
Sim rawh u, vanram chu a lo hnai tawh e;
Hmun tin leh ram tin a hnam tin, chitin, tawng tin te u,
Lal huntiam khawngaihna kawngkhar an hawn lai hian,
Sawmna hnuhnung ber Lal thupek ropui chu,
Lo ngai ru, damna thu kan puang e.

Lal Isua hming vang a nunna cham huam,
Thuthlung thianghlim puangtu te kan ni e;
Chanhai, pachhia leh riangvai te kan hnar ngai lo e,
Hermon daifim a chawm unau hmangaih kan ni,
Khawvel in a hriat loh hlimna thuruk kan nei,
Vanah khian kan hming a chuang tawh e.

 

 

Thuthlung vang a fam hnu mihuaisen te kha,
An zam ngai lo sakawlh leh ral hmaah;
An thisen thianghlim thamralna lei ram ngeiah hian,
An dungthul a kal lai rel in Lal thuthlung faten,
Sualna tuifawn karah nunna thu kan puang e,
Kan zam lo hnehna hla kan sa e.

KAN RAM ZAWN ZÛNLÊNG -Ramdinsanga Rda Dt.28.8.2020, Friday, 3pm

1.      Lei hringnun ka khualzinna ram khawhara châm chhung hian

Lal ram danah lo lawmna ka tawng si lo

Aw ka kûr zel dawn ka Lal ram ngaiin

Lal ram danin aw, Zion Lal dânin

Hringnun hlui vuiliam lâmin i lâm ang aw

I Kûr diam diam mai teh ang Salem Lal awiin

Kan ram zawn zûnlêng chuan min phuar reng mai.

 

2.      Ni a nêma hlimthla a bo hma loh chuan ka kal zel dawn

Lairil fan zotu hmangaih chu zawng zelin

Aw Beraw mual leh murra tlangah chuan

3.      Lei ropuina lungkham luata Lal fak loh chu lungngaihna Kan ram luah tur leh kan Lal, Beram No chu

Aw thlarau dana awih mai hi lungawina

4.      Chawnban vawra Lal ram dân tlaikhua varpuitu ten

Zion khua vâr tur nghakin kan lungawi e

Aw, khawpui thar thuam chu kan sin thuai ang